6 EL SUOBEL

Beketeklii a Uchul Me Kousbech er a Bades

Johanes 10:33-36

KEDEB EL OMESODEL: Lak di mchiuii a bades, e kuk bo mosaod er a ta er a tekoi. Mngesuterir a rurrenges er kau el mo mesa sel rolel e a tekoi el mosaod, me a bades el milechuiu a dmak el tekoi.

ROLEL A MORUUL ER NGII:

Molisiich a meklou a ultutelel el tekoi. A uriul er a omchiuii a bades, e molisiich a tekoi el ngar er a bades el soam el mesaod er ngii. Ke locha meruul er tiang lokiu sel momelekl aike el tekoi, me a lechub e koker a ker el rulleterir el mo omtab aike el tekoi el molisiich.

A lsekum komelekl a Bades lousbech a di tekingem, e ngkirir a rurrenges er kau el mo mesa sel rolel, e a Bades a melisiich er a tekoi el molisechakl er ngii.
Molisiich er a uldasu el soam a bo lodengelii. A uchei er a omonguiu er a bades, e msodii a uchul me ke menguiu er ngii, e mosaod er a rolel e aike el meklou a ultutelel el tekoi el ngar er a bades a melisiich er ngii el uldasu.

E sel mosaod er a bades, e becherei a Biblia er kau me di lebelkais. Sel moruul uaisei, e a rurrenges er kau a dirrek el mechei a Biblia er tir me ngdi belkais, e seikid e te mo mtebengii el kmo a omesodem a ultuil er a Biblia.
Mochotii a rolel a doltaut a Bades el ngar er a beot el rolel. Bom kerekikl me lak lsal mo kemanget a omesodem el mo mesaod a tekoi el ngii a diak lolisiich er sel klou a ultutelel tekoi. Ngultuil er a klemedengei er a rurrenges er kau el kirel a tekoi el mosaod er ngii, e molilt el kmo ngua ngera ildisel el tekoi a omousbech el mo smodii, e meketeklii a tekoi el soam el melisiich er ngii.