Omesodel a 3 el Bliongel

Ngar er aike el rak el uleak uriul er a Ieleb, e a Biblia omasech er a redi mekesai el chad el milsiou er a Jehovah. A uldimukl er tirke el milsiou er a Jehovah a Abraham el ble lodengelii el kmo ngsechelil a Jehovah. Ngera uchul me ngmle okedongall el sechelil a Jehovah? A lsekum koungalek e mngesuir a ngelekem el mo mesa el kmo a Jehovah semeriar er ngii e soal lolengeseu er ngii. Ngdi ua Abraham me tirke el lmuut el bebil el uleba blakerreng el ua Lot me a Jakob, ngkmal sebeched el mimokl lolengit a ngeso er a Jehovah. Ngkmal sebechel mo ulterekokl a rengud el kmo ngmo otaut a rokui el telbilel.