Blekokuii

Lurruul er Ngii a Jesus

VIDEO: A Jesus a Omekungil er a Meiko el Chad

1. Momes er a VIDEO me a lechub e monguiu er a Johanes 9:​1-7. E molatk aika el ker:

1. Ngera ngmirruul er ngii a Jesus el kot? Ngulemekungil er ngike el meiko me a lechub e ngmle share er a ungil chais el mo er ngii?—Momes er a Johanes 9:​35-38.

2. Ngera uchul me a omerellel a Jesus a rirellii ngike el chad el mo soal lorrenges er a ungil chais?

Ngera Kede Suubii er a Jesus?

2. A chad a mo soal lorrenges er a klumech a lsekum ngmelechesuar el kmo kede omekerreu er ngii.

Moukerebai er a Jesus

3. Bo molechesuar er a lomelechesiu er ngii a chad. Molasem el mo understand er a le feel er ngii.

1. Di lekau el oker: ‘Nglocha ngera ngmelatk? Ngera locha mo soal? Me a lechub ngii ngerang ngomdasu el kmo ngmo ngosuir?’ A omoruul el uaisei e ngmo ngosukau el mera el ngar er a rengum el lochotii a blekokuii el reng.

2. Mochotii el kmo ke omekerreu er a chad loeak sel morrenges er ngii. A lsekum ngouchais a feelings er ngii el kirel a kmung ngerang me a lechub e ngouchais er a mondai el lechelebangel er ngii, e lak em change er a subject.

4. Bo mungil el mengedecheduch e mochotii omengull. Sel bom bekokuii er a reng el kirel a chad e bo el soam el mera el ngosuir, e ngmeder sel mongedecheduch. Bo mkerekikl a tekoi el mousbech me a delecherul a ngerem, e lak bo molekoi a tekoi el sebechel tomellii a rengul.

5. Bom uchul a ngeseu. Mosiik aike el lungil techall el mo ngosuir a chad er aike el lousbech. A ungil omeruul a sebechel mechelii a cheldecheduch.