CHELITAKL 96
A Babilengel a Dios—A Mekreos
(Osisechakl 2:1)
1. Ngar ngii a babier el kmal betok a llel,
Nguchul a budech ma omeltkir ar chad.
Uldasu ra chelsel a klou a klisichel,
Nguchul a klengar ra rokui el chad
Tia el Biblia a babilengel a Dios.
Nguluusbech ra chedaol reng lomekrael
Ra rechad el betik a rengrir er ngii,
Me ngmlo seb’chir el mo ungil luchesii.
2. Te milsaod l’kirel a blebelel a Dios,
Ma rolel e ngmlor ngii a melidiul.
Ngouchais chisel a tal mle cherrungel el chad
Ma rolel eng ririid a baradis.
Ngdirrek louchais el kirel a tal anghel
El mlo omtok ra dereder er a Dios.
El mlo uchul a klou el ringel ma chelebuul,
Ngdi Jehovah kmedu’l mo mesisiich.
3. A taem a mer’mang luchul a kloul deurreng.
Jah mengedereder lokiu a King er ngii.
Me kede omerk chisel a Rengedel
Dirrek louchais a klungiaol el mor ngii.
Aikal tekoi a llechukl ra babil’ngel,
El di rokui’l mo uchul a klungioled.
Ngmeskid a budech el diak a mo mekesiur.
Ngmekreos el Sengk el mer kid el rokui.
(Dirrek el momes er a 2 Ti. 3:16; 2 Pe. 1:21.)