Ungil me a Mekngit: Ulekrael el Oureor
Molatk eua el tekoi er a klengar el rebetok el miliol el chad a mla suubii el kmo a ulekrael er a Biblia el kirel a oureor e sebeched el ultuil.
1. Chebechiil
A rechad a kakerous a uldesuir el kirel a chebechiil me a dirrek el rolel e ngsebechel mo er ngii a deurreng er a chebechiieled.
A BIBLIA KMO: “A re bek el sechal a kirir el betik a rengrir er a re becherir el di ua le tir, ma re bek el redil a kmal kirir el mengull er a re becherir.”—Efesus 5:33.
TIA BELKUL A KMO: A Dios a kiltmeklii a chebechiil, me ngmedengei el kmo a rubekel tousbech a ngerang el mo metik er a deurreng. (Markus 10:6-9) Ngmo er ngii a deurreng er a chebechiil sel bo lulturk osengir a rubekel er aike el sebechir el meruul el smisichii a chebechiil el diak el ike el sebechir el ngmai er ngii. A bechiil el sechal el betik a rengul er a bechil ochotii tiang loeak a lomekerreu er ngii e lungil omerellel el mo er ngii. Me a bechiil el redil el mengull er a bechil a mo ochotii el loeak a tekingel me a omerellel el mo er ngii.
ULEKRAEL ER A BIBLIA EL OUREOR: A Quang me a Thi er a Vietnam, a mle feel el kmo te chelseches er a chelsel a chebechiil el diak a deurreng er ngii. A Quang a mle mekngit a blekerdelel. Ngkmo: “Ngkmal dimlak kumekerreu a feelings er a Thi e mle blechoel el omekrur er ngii.” A Thi mle soal merort er a chebechiielir. Ngkmo: “Ak mlo feel el kmo ngdikea el sebechek el oumerang e mengull er a bechik.”
Omerollel a taem e a Quang me a Thi mlo medengei a lolisechakl a Biblia me a rolel e te mo oltaut er a Efesus 5:33. A Quang a kmo: “Tia el bades a ngilsukak el mo mesa el kmo ngkirek el mo ungil omerellek e rullii a Thi el mo feel el kmo ngbetik a renguk er ngii e omsang aike el lousbech er a bedengel, rengul, me a uldesuel. Sera bo kuruul el uaisei e ak ngiluu omengull me a bltikerreng er ngii.” E a Thi a kmo: “Sel kbora tkurrebab el sebechek el oltaut er a Efesus 5:33 e olecholt omengull el mora bechik, me ngii a rullak el lmuut el menga el mo feel el kmo ngbetik a rengul er ngak, e omekerreu er ngak, me ngak a budech.”
A lsoam el mo medengei a lmuut el betok el kirel a chebechiil, e monguiu er a Awake! No. 2 2018, el dai er ngii a “12 Secrets of Successful Families” el ngar er a jw.org.
2. Omerelled el Mora Rebebil
A rechad a blechoel el mo mekngit omerellir el mora rebebil le ngbeluu, klechelid, appearance, me a lechub ng sexual orientation er tir.
A BIBLIA KMO: “Mongull er a rokui el chad.”—1 Petrus 2:17.
TIA BELKUL A KMO: A Biblia diak lolisechakl er kid el mo ouketui er a rechad el ngodech a belurir, chiro er tir, me a lechub e te homosexual. E ngbai melisiich er kid el mo olecholt omengull el mora rokui el chad el diak el ior er a beluu, chiro, merau, me a lechub e ngchebuul. (Rellir 10:34) Mo lmuut me a lak dekengei aike el loumerang me a lechub e te meruul a rebebil, engdi ngdirk sebeched el meruul a ungil e ochotii omengull.—Mateus 7:12.
ULEKRAEL ER A BIBLIA EL OUREOR: A Daniel a mlosisechakl el kmo a rokui el chad er a Asia ongarm el mora belual. Ngmlo ouketui er a ngii di el chad el ngar ngii a rolel el mora Asia e blechoel el melekoi a mekngit el mo er tir er a buai. A Daniel a kmo: “Ak kulemdasu el kmo ak support er a beluak. Ngkmal dimlak a ta el kullatk el kmo a uldesuek me a omerellek a mekngit.”
Cherengel a taem e a Daniel a siluub aike el lolekoi a Biblia. Ngkmo: “Ngmle kirek el ngodechii a rolel a kumdasu. Ngmle kirek el mo omes er a rechad el ua lomes er tir a Dios. Kede rokui el di osisiu er osengel.” A Daniel a mesaod er ngii er chelechang sel le meet er a rechad. Ngkmo: “Ngkmal diak kullatk el kmo te chad er ker. Chelechang e ngbetik a renguk er a rokui el chad e ngar ngii a rekmeed el sechelik el chad er a kakerous el beluu.”
A lsoam a lmuut el betok el omesodel, e monguiu er a Awake! No. 3 2020, el dai er ngii a “Is There a Cure for Prejudice?” el ngar er a jw.org.
3. Udoud
A rebetok el chad a oltoir a kerruul le te omdasu el kmo ngmo uchul a deurreng me a ungil klengar.
A BIBLIA KMO: “A llomeserreng a sobecheklid el di ua udoud el uchul a osebechakl, engdi a klungiolel a klemedengei a tiakid: A llomeserreng a kokerengii ngike el ouklalo er ngii.”—Olisechakl 7:12, NW.
TIA BELKUL A KMO: Kede ousbech a udoud engdi udoud a diak el guarantee er a deurreng me a ungil klengar. (Osisechakl 18:11, NW; 23:4, 5) Ngbai a mera el deurreng me a ungil el klengar a ultuil er a doltaut er a llomeserreng er a Dios el ngar er a Biblia.—1 Timothy 6:17-19.
ULEKRAEL ER A BIBLIA EL OUREOR: A Cardo el chad er a Indonesia a kmal mle ulturk osengel er a mo betok a ududel. Ngkmo: “Ngmla er ngii er ngak a tekoi el rechad a sebechir el di oureng el kirel. Ngmle sebechek lomais a beluu, omechar a meringel a cheral el klalo, mlai, me a blai.” Engdi kerruul er ngii a dimlak lolemolem. A Cardo kmo: “Ngngar ngii a chad el chilbeldelekak e ngma ike el rokui el udoud el kmal mle betok el rak el kmeringel loureor el kirel. Ak milengoit er a klengar er ngak losiik a kerruul engdi ulebongel a tekoi el kngiluu a klengiterreng le ngak el mla mo diak a ngerang er ngak e mlo feel el kmo ngdikea ultutelek.”
A Cardo mlo oltaut ulekrael er a Biblia el kirel a udoud. Ngmla mo diak longoit a rokui el klisichel el mengudel a kerruul e ngbai mla mo omekbeot er a klengar er ngii. Ngkmo: “A mera el ilteet el diak lengemed a deleuill er kid me a Dios. Ngungil a cheliuek er a bek el sils e mera el sebechek el dmu el kmo ngmera el dmeu a renguk.”
A lsoam el mo medengei a lmuut el betok el kirel a osengel a Biblia er a udoud, e momes er a suobel er a A Ongkerongel No. 3 2021, el dai er ngii a “Ngsebechel a Ngarbab el Skuul me a Udoud Loterekeklii a Ungil Klengar er a Ngar Medad?” el ngar er a jw.org/pau.
4. Tekoi er a Cheliuaiu
A rechad a betok a uldesuir el kirel a tekoi er a cheliuaiu el di ungil.
A BIBLIA KMO: “Mekiai a deleboes; ma derta er kemiu bo lodengei el kmo ngmekera le ngara cheledaol ma chomengull el melai rar becherir, e lako muar diak lodengelii a Dios el Chisentail, el melamet a rengrir ra ngibes ra deleboes.”—1 Thesalonika 4:3-5, BT.
TIA BELKUL A KMO: A Biblia olterekokl er a rolel a doruul a tekoi er a cheliuaiu. A tekoi el “deleboes” a uldimukl er ngii a laokreng, chad el olterau er ngii, cheliuaiu er a delongelir a rechad el diak el bechiil, sechal lousechelei er a sechal, redil lousechelei er a redil, me a chad el lousechelei a charm. (1 Korinth 6:9, 10) Tekoi er a cheliuaiu a sengk el mlara Dios el soal a di lebora sechal me a redil el bechiil.—Osisechakl 5:18, 19.
ULEKRAEL ER A BIBLIA EL OUREOR: A Kylie el redil er a Australia a kmo: “Sera kmesobil e a kulemdasu el kmo a cheliuaiu a mo rullau el mo omelechesiu er a bltikerreng me a osebechakl. Engdi ngbai opposite el tekoi a dilubech. Ngmilecham a renguk e mlo diak lungil a uldesuek el kirek.”
Uriul e a Kylie siluub aike el lolekoi a Biblia el kirel a cheliuaiu e mlo oltaut. Ngkmo: “Ak mesa el kmo a llechul a Dios a ngar ngii el lomekerreu er kid er a ringel me a chelemuul el reng. Chelechang e ak kmal feel er osebechakl me a bltikerreng le ngak el meruul a tekoi el ngar er a rolel a soal a Jehovah. Ngak el oltaut a ulekrael er a Biblia mla sobecheklak er a temellel a reng!”
A lsoam a lmuut el betok el omesodel, e monguiu er a suobel el “What Does the Bible Say About Living Together Without Marriage?” el ngar er a jw.org.
A Ulemeob er kid a ngosukid el mo medengelii a ungil me a mekngit. Alta ngdiak el leblechoel el beot a doltirakl a llechul el kirel a ungil me a mekngit engdi ngkmal ngar ngii a ultutelel. Ngkmal sebeched el loumerang el kmo a klemengetel a taem e ngmo uchul a deurreng er kid el diak a ulebengelel.