Mrellii a Ungil Basio el Kirel Omesuub

Kau, ngsoam el ngmai a lmuut el betok er a omesubem el di kau el tang? Aika el ngeso er a uldasu a sebechel ngosukau el rullii a ungil basio el kirel a omesuub:

• Mngiltii a ungil basio. A lsebechel e msikii a basio el mededaes e sebechem el ungil mes a babilengem. Ngsebechem el dengchokl er a tebel me a lechub e ke sikii a ungil basio er rikl.

• Msikii a basio el diak a chad er ngii. A Jesus a ngileltii el mo meluluuch “er uchei er a le ngasech a sils,” e “mirrael el tuobed er a beluu el mor a diak a re chad er ngii.” (Mk. 1:35) A lsekum e ngkmal diak el sebechem el di mo kau el tang, e ngsebechem louchais er a telungalek er kau me a lechub e te rechad el mkiei el lobengterir er a schedule er kau er omesuub e molengit er tir me bo lolatk er tia el temem.

• Lak moridii a focus er kau. Mongeroid er kau er aike el mo mengesang er kau. A lsekum ke ousbech er a dengua me a lechub e ng tablet er kau el mesuub, em nguu loia er a silent me a lechub e ng airplane mode me lak a mo mengesang er kau. A lsekum ke lotkii a tekoi el kirem el meruul er ngii, e mlechesii e lak mobes el mo meruul er ngii er uriul e molemolem er omesubem. E a bo lemeringel er kau el concentrate, em break em walk me a lechub e ke stretch.