PEꞌLA 2
Jeꞌzi yaꞌpeeykãawe
“Txãa paꞌga Dxus pũpxçxa nvxiitni ptamsayãꞌtxhiꞌ kim yuhwa txuhdeyaꞌ ãjãwaꞌjsameetaꞌ jĩk.” (Marcos 10:9)
Jeuwa jxthãasuk kweꞌsx “peeykãahwaꞌjas jiꞌphuya” (Miqueas 6:8, Biblia de Jerusalén, 2009). Ptaamsa yaꞌpeeykãahte wala jxthuhthesa. Txãw yũute walaana wẽdxwaꞌja nawa txãw yũumeete selpiimeena.
Ãçxhwa ptaamte peeykãahnisaꞌs pçuun ũsna. Jeꞌz jwed ũsna ptaamsatxis nweꞌwaꞌj.
1 TXÃA PTAAMSAWEꞌSX WALA JXTHUHTHESANA
DXUS EÇA NAꞌJĨK: “Txhitxhçxa Dxus dxiꞌpte ew fxiꞌzeyaꞌ ãjãneꞌkwe” (Filipenses 1:10). Nmiꞌa nyuuthẽꞌjaꞌs ew jxpeꞌje jiꞌphna, nyuuythẽꞌj nmiꞌaꞌs txaꞌwẽy.
Jeuwa wẽdxiçmeene ptaamuniyãju vxite yakh uꞌjte, txãayu jeꞌzi wẽtne uꞌju jxthãasu (Eclesiastés 9:9). Dxus kaapiyaꞌjak jeꞌzi ew jxpeꞌjwa jiꞌphyã, txaꞌwẽy wẽt fxiꞌzewaꞌjas pakwewaꞌj jiꞌphyã (1 Corintios 10:24). Idxa nyuuthẽꞌjaꞌs txaꞌwẽy wẽt kaayakiꞌj, nyuuthẽꞌja nmiꞌaꞌs txaꞌwẽy yũu.
ÃJAꞌNEKWE TXÃW VXITYA:
Ptaamsa een kutxiꞌjwa jiꞌphyã, weꞌwna kĩh jxpeꞌjxtewa
Jeꞌzi puutx ũus yahkxwe
2 IDX ŨUS YAHKXNISAꞌS JXPAꞌYAHKX
DXUS EÇA NAꞌJĨK: “Teeçx uꞌyaꞌs ewmée yajkxçxa thegni yakhçxáa, pkal yãꞌkh yuꞌ txajx ũuste” (Mateo 5:28). Ptaamsaweꞌsxa kazx yaakxi jiꞌphmeenekwe, txãw yũuçxa pkaalte wẽetenekwe.
Jeuwa naꞌjĩk idx ũus yahkxnisaꞌs jxpaꞌyahkx kaajak (Proverbios 4:23; Jeremías 17:9). Wala jxpaꞌyahkx kaajak kĩh thegçxawa (Mateo 5:29, 30). Job maꞌwne yũu, txaꞌwẽyku yũukaajak. Txãa kĩhwa vxite uꞌy yakh kazx yahkxmeene (Job 31:1). Kazx vxyaanisaꞌs thegwameena. Baaçxwa kĩhwa pdeepihçyakh uꞌjuwameena.
ÃJAꞌNEKWE TXÃW VXITYA:
Vxitetxis kaajiyu idx nyuuythẽꞌjasçxanega wẽdxi saꞌ nyuuythẽꞌja txaꞌwẽy yũu jiꞌpha
Ptaamyãte kim yũuhwa uꞌkawaꞌj jiꞌphmeeyã suwya txaawẽꞌsx wẽdxnis