PEꞌLA 01
¿Idxaꞌs Dxus yuwe maꞌw puꞌçxhikx?
Mazkwẽ nasa seena ũus yahkxna ũsyã naa thẽysatx: ¿Ĩtxi fxiꞌzewaꞌja eꞌsyu maꞌwki? ¿Kĩh yũuçxakxthaꞌw pxthaa yũun fxiꞌze? ¿Uusaweꞌsxa maꞌw ũstxki? ¿Maꞌw yũuçxa mjĩi pejxmee fxiꞌzekxthaꞌw yatteweꞌsxa wẽt fxiꞌzewẽeçxa? ¿Kĩh yũuwaꞌj jiꞌphtxki? Mazkwẽ nasa jiiyã Dxus yuwe pastewaꞌj naa paapẽynisatxis saꞌ yuꞌkxpehsatewaꞌj. ¿Idx namikutxis Dxus yuwe puꞌçxhmak sũhuꞌga?
1. ¿Kĩh paapẽynisatxis Dxus yuwe pasukx?
Dxus yuwe vxite paapẽynisatxis pasuk: ¿Ĩtxi fxiꞌzenisa maꞌw kik takh? ¿Kĩh yũuçxa naa kiwete ũskxthaꞌw? ¿Nasa yuuwemeesaweꞌsx kĩh yũuçxa pxthaa yũun ũstxki nasa zxiçxkwe fxiꞌzewẽeçxa? Nawa, ¿kĩh yũuçxa puiin ũstxki? ¿Naa kiwe eꞌsyu maꞌw yũukx? Dxusa jxukaysatxis piꞌkxna ũsa txãa paapẽynisatxis uyya Dxus yuwete. Mazkwẽ nasa weçx weçxan ũsta Dxus yuweꞌs piyan.
2. ¿Dxus yuwe kweꞌsxtxis maꞌw puꞌçxhikx ew fxiꞌzekhan?
Dxus yuwe ew yuꞌkxpehsa kaapiyaꞌjak yatteweꞌsxtxis eçxeçx fxiꞌzeya, ewmeesaꞌs yahkxmee zxiçxkweçxa mjĩin. Dxus yuweꞌs jaꞌda piyate tudkweçxa wejxkwe jiyuya puꞌçxhina txãa paapẽynisatxis. Jiyuya ãjanega “Dxus libruꞌ jxuka [...] txãasa seelpisataꞌ” (2 Timoteo 3:16).
Naa libru Dxus yuwemeena, nawa idxaꞌs wala puꞌçxhina ew jiyuya Dxus yuweꞌs. Txajĩi, wala ewna librute versiculotxis jxuka pakweçxa lẽeyte Dxus yuwete naꞌwẽy ptaꞌsxina.
WEJXKWEÇXA PIYAN UꞌJWEKA
¿Dxus yuwe maꞌw puꞌçxhina ũski vxite nasatxis? ¿Maꞌw yũute Dxus yuweꞌs lẽeywaꞌj waꞌlyumeekx? ¿Kĩh yũuçxa vxitesa puꞌçxhte ewki Dxus yuweꞌs jiyuwaꞌj?
3. Dxus yuwe kweꞌsxtxis puꞌçxhik
Dxus yuwe kweꞌsx dxiꞌjaꞌs kweethna ũsa ew fxiꞌzekhan. Txaꞌwẽy ptaꞌsxik eꞌs maꞌw yũuyãwatewaꞌj.
Salmo 119:105te lẽeywe, txajuꞌ naa paapẽynisatxis paswe:
¿Salmo fxiꞌjsa maa sũhuꞌ kik Dxus yuwete?
¿Idxa maa sũhuꞌga Dxus yuwete?
4. Kweꞌsx paapẽynisatxis Dxus yuwe pasuk
Teeçx uꞌy uyne txãjx paapẽynisatxis Dxus yuwete. Txãa VIDEUꞌS thegwe, txajuꞌ naa paapẽynisatxis paswe.
¿Txãa uꞌya kĩh paapẽynisa kik jiꞌphu?
¿Txãaꞌs Dxus yuwe maꞌw kik puꞌçxh?
Dxus yuwe yuꞌkxpehe paapẽyna ũskhan. Mateo 7:7te lẽeywe, txajuꞌ naa paapẽynisatxis paswe:
¿Idx paapẽynisatxis Dxus yuwe pasumak? ¿Kĩh paapẽynisatxis?
5. Dxus yuweꞌs lẽeyte wala wẽtna
Maiiweꞌsxa Dxus yuweꞌs lẽeyyã wẽdxitx puꞌçxh paꞌka. Txãa VIDEUꞌS thegwe, txajuꞌ naa paapẽynisatxis paswe.
¿Maii piçtakxweꞌsxa lẽeynisaꞌs maa sũhuꞌn ũstxki?
¿Txãa piçtakxweꞌsxa kĩh yũuçxa kitx Dxus yuweꞌs lẽeyyã wẽdxi?
Dxus yuwe naꞌjĩk txãjx kaapiyaꞌjni kvxiisxãꞌjn ũsa kweꞌsxtxis. Romanos 15:4te lẽeywe, txajuꞌ naa paapẽynisaꞌs paswe:
¿Peena piyawẽjega Dxus yuwe kvxiisxãꞌjni?
6. Jxukasay Dxus yuwes jiyuya ãjanaꞌw vxitesa puꞌçxhte
Dxus yuwes maii txãaweꞌsxçxatx lẽey, nawa wejxkwe yaꞌpiyana puꞌçxhsa yakhaꞌ. Hechos 8:26-31te paꞌj lẽeywe, txajuꞌ naa paapẽynisaꞌs paswe:
¿Dxus yuwes jiyuwẽeçxa kĩh yũuwaꞌj jiꞌphga? Versículos 30 vxiteꞌ 31te lẽeywe.
Teeçx piçthẽꞌj Etíope çxhabteweꞌsx pejxne kaapiyaꞌjsa Dxus yuweꞌs jiyuwaꞌj. Txajĩi ãçxhaꞌ mazkwẽ nasa piyan ũsta kaapiyaꞌjsa puꞌçxhte.
MAII NASAWEꞌSXA NAꞌJĨTX: “Dxus yuweꞌs lẽeyte kxuulsana”.
¿Idxa maajĩguigk saꞌ, kĩh yũuçxa?
¿AYTE PAꞌJ KĨHKXTHAꞌW PIYA?
Dxus yuwe ew yuꞌkxpehsana; kweꞌsxtxis pasuna saꞌ kxviisxãꞌjn ũsa.
¿Kĩh pasuguigk?
¿Dxus yuwe maa yukxpehnisa jiꞌphki?
¿Dxus yuwe kĩh paapẽynisatxis pasukx?
¿Dxus yuwete kĩh piyawẽjega?
WEJXKWE PIYAYA ÃJANEGA
Ãçxh eensu Dxus yuwe wala puꞌçxhna ũsa, kxtee wejxkwe piyaya ãjanega.
“Dxus yuwe bakaçxtewaꞌj meh jiisana” (Ptaꞌsxnĩ, núm. 1 2018te)
¿Maꞌw kik Dxus yuwe puꞌçxh teeçx piçthẽꞌjaꞌs mazkwẽ thẽysa jiꞌphte luuçxteycxa?
Dxus yuwe yuꞌkxpehe yatteweꞌsxtxis ew fxiꞌzekhan.
“12 yuꞌkxpehnisaꞌs nwẽeseꞌjwe yatteweꞌsx jxukasay wẽt fxiꞌzeya” (¡Despertad!, núm. 2 2018te)
¿Dxus yuwe naa isaꞌs maajĩkik? ¿Kimyu jxkaahn ũski naa kiweꞌs?