Bautismoyuꞌ eꞌsuyuꞌ puꞌçxhina wãt fxiꞌzeyaꞌ

Jesús kaapiyaꞌjaꞌk cristiano yũu wẽeçxa yaꞌbautisãywaꞌj jiꞌphna (lẽeywe Mateo 28:19, 20). Bautismoyuꞌ, ¿kĩhna? ¿Maꞌw yũuçxa txãa metaꞌs kpaakxikx?

1. Bautismoyuꞌ, ¿kĩhna?

“Bautismoyuꞌ” verbo Griegojũ yuhna, yuꞌte jxuka kwekwe “khẽejenisana”. Jesusyuꞌ “Jordan yuꞌwalate bautisãyku. Açaꞌ yuꞌju kaseje[ne]” (Markos 1:9, 10). Isasa cristianosweꞌsxyuꞌ yaꞌbautisãyçxa, txaꞌwẽy jxuka kwekwe yuꞌte khẽeneꞌta.

2. Teeçx nasa bautisãyçxa, ¿kĩk kik kaavxaꞌjaꞌ?

Bautisaĩyãꞌjçxa Jeuwaꞌsçxa dedicaĩꞌ. Nawa, ¿dedicacionyuꞌ kĩhna? Bautisãymey txãa puutx weꞌwniꞌs naꞌjĩne, Txãaꞌsçxaa selpiina fxiꞌze bakaꞌçxtewa. Txãa puutx weꞌwniꞌsyuꞌ naꞌwne weꞌwe: Jeuwaꞌsçxaa selpiiteꞌ wala jxthuhthesa yũuna. Jesús ĩtxi fxiꞌzenisaꞌs jiyuçxayuꞌ txãjx jxkaahniꞌs kxtey yuuwana. Jesús naꞌjĩne: “adx yakh yuu wẽeçxaꞌ, peekx kakwe jxthãasniꞌs kĩhnawa jxuka nvxihtçxa yuuçxáa adx yakh yujxaꞌ ãjaneꞌkwe, makwe pxthaa yuuwaꞌj seenaꞌsa maꞌk yuu nawa txãꞌsaꞌ ũukhmée.” (Mateo 16:24). Bautismo vxiteꞌ dedicación paꞌka, Jeuwa vxiteꞌ yakhthẽꞌjweꞌsx yakh wejxkwe namiku yũuyaꞌ ãjanaꞌw.

3. ¿Kĩh yũuwaꞌj jiꞌphga yaꞌbautisãy wẽeçxa?

Idxaꞌ bautisãy wẽeçxa, Jeuwaꞌs ew jiyuwaꞌj jiꞌphneꞌga (lẽeywe Hebreos 11:6). Txãꞌw yũute idx fe kçxhãçxhaꞌjana. Açyu idx pẽeykaahniꞌs walaana Jeuwa paꞌka. Txãꞌw yũuçxa Jeuwate weꞌwyaꞌ wẽdxineꞌga, txaꞌwẽy txãjx jxkaahnisaꞌs kxtey yuuneꞌga waꞌlmee (2 Timoteo 4:2; 1 Juan 5:3). Teeçx nasa Jeuwa jxthãaniꞌs jxuka kxtey yuun ũsçxa, dedicaĩçxa txaꞌwẽy bautisaĩyã ewuuneꞌga (Kolosenses 1:9, 10).a

WEJXKWEÇXA PIYAN UꞌJWEKA

4. Jesús bautismo, ¿kĩh kik kaapiyaꞌjaꞌ?

Jesús bautisãyniꞌs wejxkwe jiyu wẽeçxa, lẽeywe Mateo 3:13-17, txajuꞌ naa paapẽynisatxis paswe:

• Jesús yaꞌbautisãyçxa, ¿luuçxi maꞌk yuu? ¿Maꞌwka yaꞌbautisaĩꞌ?

• ¿Dxikthete yuꞌ leꞌçxkwe abumatx?

Jeuwa weꞌwnisaꞌs, Jesusyuꞌ mjĩiyaꞌ takhne yaꞌbautisãyyãꞌjçxa. Lẽeywe Lukas 3:21-23 vxiteꞌ Juan 6:38, txajuꞌ naa paapẽynisatxis paswe:

• Jesús yaꞌbautisãyyãꞌjçxa, ¿kĩh mjĩinisa wejxkwe jxthuhthesakx?

5. Bautismoꞌs kpahkxyaꞌ ãjaneꞌga

Bautismo vxiteꞌ dedicacionaꞌs yahkxçxa, idxaꞌ ũukhuneꞌga. Nawa leꞌçxkwe leꞌçxkwe piya uꞌjçxayuꞌ txãaꞌs jxthuhthesaꞌs jiyuçxa bautisãyyãꞌ ewuuneꞌga. Vxite nasa maꞌwneꞌta yũu wejxkwe jiyu wẽeçxa, txãa VIDEUꞌS thegwe.

VIDEU: Jeuwa wejxkwe namiku myũu (1:11)

Lẽeywe Juan 17:3 vxiteꞌ Santiago 1:5, txajuꞌ naa paapẽynisatxis paswe:

• ¿Teeçx nasa kĩh puꞌçxhiꞌk yaꞌbautisãyyã ãjakhan?

1. (1) Dxus yakh puutx weꞌwwana dedicaĩꞌ wẽeçxa. Jeuwaꞌs dedicaĩꞌçxa txãaçxaꞌs selpiinaꞌw jĩnisana

2. (2) Yaꞌbautisãyte vxite nasa uyuuyã Jeuwa kaajiyuꞌjsatewa

6. Yaꞌbautisãyçxa Jeuwa nweꞌsx yũun kahanaꞌw

Yaꞌbautisãyçxa mjĩineꞌga jaꞌda naa kiwete uꞌta nweꞌsx naꞌwẽy. Fxiymeena maꞌjuweꞌsxtxiwa, Jeuwa kaajiyuꞌjsaweꞌsx yaꞌyaaseyãꞌjçxa, txaꞌwẽyçxa kreĩneꞌta. Txaꞌwẽy, Jeuwa weꞌwniꞌs kxtey yuuneꞌta. Lẽeywe Salmo 25:14 vxiteꞌ 1 Pedro 2:17, txajuꞌ naa paapẽynisatxis paswe:

• Yaꞌbautisãyte, ¿maꞌw puꞌçxhiꞌk kweꞌsxtxiꞌs?

¿AYTE PAꞌJ KĨHKXTHAꞌW PIYA?

Jesusyuꞌ naꞌjĩne: Cristiano yũu wẽeçxa yaꞌbautisãywaꞌjna. Txãa meta kpahkx wẽeçxa fe çxhãçxhaꞌ jiꞌphuwaꞌjna. Dxus jxkãahnisaꞌs nwẽseꞌjn vxiteꞌ Dxusaꞌsçxan dedicaĩwana.

¿Kĩh pasuguigk?

• ¿Bautismoyuꞌ kĩhna? ¿Kĩh yũuçxa wala jxthuhthesakx?

• ¿Dedicación vxiteꞌ bautismo txaꞌwẽymanx? Meen kaajiyuꞌj.

• ¿Teeçx nasa kĩh yũuwaꞌj jiꞌphki dedicaĩyã vxiteꞌ bautisaĩꞌ wẽeçxa?

WEJXKWE PIYAYA ÃJANEGA

Bautismote piya, txaꞌwẽy maꞌwneꞌta ewmee weꞌwe.

“¿Bautismo kĩhna?” (Pakwewe jw.org te)

Bautisãynisaꞌs myahkx, txaꞌwẽy yuꞌkxpehnisaꞌs. Naa articulote mtheg.

“Jeuwaꞌs wẽdxçxa kiꞌ pẽeykãhçxa yaꞌbautisãywaꞌjna” (Ptaꞌsxnĩ, marzo, 2020te)

Theg, teeçx piꞌçthẽꞌj ewne yahkx yaꞌbautisãyyã.

“Jeuwa kaajiyuꞌjsaweꞌsxyuꞌ adxaꞌs ũythasneꞌta adx isasaꞌs uykhan” (Ptaꞌsxnĩ, 1 febrero, 2013te)

Bautisaĩꞌ wẽeçxa kpahkxyaꞌ ãjaneꞌga txãa metaꞌs, ¿idxyuꞌ kĩh yũuwaꞌj jiꞌphguigk?

“¿Yaꞌbautisãyyãmath?” (Piçtakxweꞌsx paapẽynisatxiꞌs ew pasnisas, Peꞌla 2, capítulo 37)