PEꞌLA 28
Jeuwa vxiteꞌ Jesús vxitniꞌs idxyuꞌ wala weçxawaꞌj jiꞌphuneꞌga
Idx namiku zxiçxkwesa peeste, zxiçxkwesaꞌs jxpaꞌkaçxa idxyuꞌ wala weçxawaꞌj jiꞌphneꞌga. Jeuwa vxiteꞌ Jesusyuꞌ idxaꞌs meh zxiçxkwesa peesneꞌta. ¿Maꞌw yũuwaꞌj jiꞌphguigk, txãa peesnisaꞌs weçxa wẽeçxa?
1. ¿Kĩh yũuwaꞌj jiꞌphkxthaꞌw Jeuwa vxiteꞌ Jesús peesniꞌs weçxa wẽeçxa?
Dxus yuwe naꞌjĩꞌk: Fe jiꞌphçxayuꞌ bakaçxtewa ĩtxi fxiꞌzeyaꞌ ãjaneꞌga (Juan 3:16). Nawa, ¿maꞌw fe kaavxaꞌjaguigk Jesuste? Yuwejũçxa weꞌwmee, kweꞌsxyuꞌ ew txhitxhwaꞌj jiꞌphnetkhaꞌw kĩh yũun ũstewa (Santiago 2:17). Txãꞌw yũuçxa Jesús yakh, Jeuwa yakh wejxkwe namiku yũuyã ewuunaꞌw (lẽeywe Juan 14:21).
2. ¿Baaçx eente Jeuwa vxiteꞌ Jesús peesniꞌs weçxawaꞌj jiꞌphkxthaꞌw?
Jesús uumeyna txãjx discipulosweꞌsx yakh pkhakhene, txãjx uuniꞌs yahkxkhan. Txãayuꞌ “Cena del Señor” txaꞌwẽy yaasene (1 Korintios 11:20). Jesús txãꞌwne vxit, txãjx discipulosweꞌsx vxiteꞌ isasa cristianosweꞌsx Jesús uuniꞌs yahkxkhan. Jesús naꞌjĩne: “Txãꞌwẽ myũuwe bakaçxtewa” (Lukas 22:19). Piꞌkxna puꞌçxhçxa Jeuwa vxiteꞌ Jesús peesniꞌs wala weçxayaꞌ ãjaneꞌga.
WEJXKWEÇXA PIYAN UꞌJWEKA
Txaꞌwẽy thegunaꞌw: ¿Maꞌw wejxkwe weçxayaꞌ ãjakxthaꞌw Jeuwa vxiteꞌ Jesús peesnisaꞌs? ¿Jesús uuni kĩh yũuçxa wala jxthuhthesakx?
3. Weçxanisayuꞌ puꞌçxhina ew yũuwaꞌj
Idxaꞌ maa sũhuꞌguigk, yuꞌte kaabuçhçxa uuyaꞌwaꞌjte, vxiteꞌ nweꞌwte, ¿dudtey peeçxkanamaꞌk meeçxaꞌ weçxamag, txãꞌw nweꞌwpaꞌka?
Kweꞌsx ĩtxi fxiꞌzeniꞌs Dxusna yuulthaꞌw. Lẽeywe 1 Juan 4:8-10, txajuꞌ naa paapẽynisatxis paswe:
Jesús peesniꞌs wala jxthuhthesana, ¿kĩh yũuçxa?
Jeuwa vxiteꞌ Jesús idx paꞌkate vxitnisaꞌ, ¿idxyuꞌ maꞌwga yaatxi?
¿Maꞌw weçxayaꞌ ãjakxthaꞌw Jeuwa vxiteꞌ Jesús vxitnisa? Lẽeywe 2 Korintios 5:15 vxiteꞌ 1 Juan 4:11; 5:3. Txajuꞌ naa paapẽynisatxis paswe:
¿Kweꞌsx weçxaniꞌs maꞌw kaavxaꞌjyaꞌ ãjakxthaꞌw?
4. Jesús naꞌwẽy yũuthaꞌw
Weçxaniꞌs kaavxaꞌj wẽecxa Jesús naꞌwẽy yũuwaꞌj jiꞌphnetkhaꞌw. Lẽeywe 1 Pedro 2:21, txajuꞌ naa paapẽynisatxis paswe:
¿Jesús naꞌwẽy maꞌw yũuyã ãjaguigk?
Jesusyuꞌ Dxus yuweꞌs wẽdxine, txãa paꞌka ewsa tuutheꞌjni ptaꞌsxne.
5. Jesús uuniꞌs yahkxna
Theguka, kĩhta yũu Cena del señorte, lẽeywe Lukas 22:14, 19, 20. Txajuꞌ naa paapẽynisatxis paswe:
¿Cena del señor kĩhta yũu?
Pan vxiteꞌ vino, txãayuꞌ ¿kĩhkxyuꞌ? (Lẽeywe versículo 19 vxiteꞌ 20).
Jesús txãjx discipulosweꞌsx yakh naꞌwne weꞌw: Cena del señoraꞌs anxu iisa yahkxwaneꞌta jiꞌphuꞌ. Jeuwa kaajiyuꞌjsaweꞌsxyuꞌ txaꞌwẽyçxa yũuneꞌta, pkhakhneꞌta anxu iisa Jesús uuniꞌs yahkxyaꞌ. Wejxkwe jiyu wẽeçxa, txãa VIDEUꞌS thegwe. Txajuꞌ naa paapẽynisatxis paswe:
Jesús uuniꞌs yahkx wẽecxa, ¿kĩhta yũu?
Panyuꞌ Jesús kwekwe naꞌwsana. Vinoyuꞌ Jesús ee naꞌwsana.
MAII NASAWEꞌSXA NAꞌJĨTX: “Jesusnaçxa kreĩçxa nweꞌwena sũhuꞌneꞌta”.
¿Juan 3:16 vxiteꞌ Santiago 2:17 maꞌw iijxũuyaꞌ ãjaguigk wejxkwe kaajiyuꞌj wẽeçxa?
¿AYTE PAꞌJ KĨHKXTHAꞌW PIYA?
Kweꞌsxaꞌ Jesusaꞌs wala weçxawaꞌj jiꞌphunetkhaꞌw. Fe jiꞌphçxa Jesús uuniꞌs yahkxyaꞌ pkhakhenaꞌw
¿Kĩh pasuguigk?
Jesusaꞌs fe jiꞌphçxa, ¿maꞌw yũuguigk?
¿Jeuwa vxiteꞌ Jesús vxitniꞌs weçxawaꞌj wẽdximag?, ¿kĩh yũuyaꞌ ãjaguigk?
¿Jesús uuniꞌs yahkxyaꞌ pkhakhete, maꞌwte txãa wala jxthuhthekx?
WEJXKWE PIYAYA ÃJANEGA
Meen wẽeseꞌj, Jesús uuni puꞌçxhina ew yũuwaꞌj
Fe wala jxthuthesana, txãa paꞌka feꞌs kaavxaꞌja wẽeçxa, naa articuloꞌs meen jiyuwe.
“Jeuwa weꞌweniꞌs fe jiꞌphuwaꞌjna” (Ptaꞌsxnĩ, octubre, 2016te)
Jesús uuni puꞌçxhine teeçx uꞌyaꞌs ewmeesaꞌs nvxihtwa. Txãa historia meen lẽeywe: “Ãçxhaꞌ ewthu yahkx”.
“Dxus yuwe txãjx fxiꞌzeniꞌs yuꞌptheꞌjne” (Ptaꞌsxnĩ, 1 agosto, 2011te)
Thegwe, kĩh yũuçxa kik kũhmeekweçxa txãa panaꞌs ũꞌwe vxiteꞌ txãa vinoꞌs tuudxi, Jesús uuniꞌs yahkxna.
“Jeuwa kaajiyuꞌjsaweꞌsxyuꞌ fxiyneꞌta yaatxi Jesús uuniꞌs, ¿kĩh yũuçxa?” (Pakwewe jw.org te)