Things Wey Dey Inside This Magazine

Because of the sin wey all of us carry from belly come, we dey do things sometimes wey fit bring quarrel. This topic go show us how we fit let the things wey Bible talk help us when we get quarrel with person.

For this topic, we go talk about the things wey help us know sey na only Jehovah Witness people dey do wetin Jesus talk for Matthew 24:14. We go still talk about wetin e mean to ‘catch people’ like fish.​—Matt. 4:19.

When you want choose wetin you go do, na anything wey you like you go just do? Or you dey ask other people? This topic go help us know why e be sey na wetin Jehovah want suppose help us choose the correct thing.

Even though sey you don baptize, e dey hard you to fit stop the small small things wey you dey do wey Jehovah no like? For this topic, we go learn why e be like that and how we fit let the things wey dey Bible help us to continue to get the kind character wey Jehovah like.

For this topic, we go learn about one bad thinking wey fit make us miss the better advice wey dey some of the book wey Jehovah dey give us. We go still learn wetin we fit do if we no want make that kind thing happen to us and how we go gain from all the things wey Jehovah dey give us.