No Enter This Trap When You Dey Conduct Bible Study

No Talk Too Much: No feel sey you must explain everything. Jesus ask people question make dem fit think about the matter and get the correct answer by theirself. (Mt 17:24-27) If you dey use question, the study go sweet, and you go fit know wetin your Bible student believe and wetin e really understand. (be 253 ¶3-4) When you ask am question, no rush am, wait make e answer you. If the Bible student no talk the correct answer, no tell am the correct answer, instead, ask am different different question wey go help am get that correct answer. (be 238 ¶1-2) No rush when you dey talk, make the person wey you dey teach fit understand wetin you dey talk.—be 230 ¶4.

No Make Am Hard: No talk everything wey you know about the matter even if e dey do you like sey make you dey talk dey go. (Joh 16:12) Just talk only the main point wey dey the paragraph. (be 226 ¶4-5) If you start to dey talk many things, even if e dey sweet una, una fit no get the main point. (be 235 ¶3) Once the Bible student don understand the main point, go the next paragraph.

No Rush the Study: Wetin we want na study wey go touch people for mind, no be just to study the book finish. (Lu 24:32) Talk about the main Bible verse wey dem use for that chapter, this one go help you to fit really use the power wey God word get. (2Co 10:4; Heb 4:12; be 144 ¶1-3) Use story wey dey simple. (be 245 ¶2-4) Put the Bible student for your mind, think about the problem wey e get, the things wey e don already believe, and help am see how wetin e dey learn take concern am. Ask am sey: “How you feel about wetin you dey learn for here?” “Wetin this one teach us about Jehovah?” “If you do wetin you dey learn so, wetin you go gain?”—be 238 ¶3-5; 259 ¶1.