MAKE WE DEY LIVE LIKE CHRISTIAN
Remember to Pray for Our Brothers Wey Dey Suffer Because of Their Faith
Bible don talk am sey Satan go suffer us because e want make we stop to dey serve Jehovah. (Joh 15:20; Re 12:17) How we go fit help our brothers and sisters wey dey other country, wey Satan dey suffer because of their faith? We fit pray for dem. ‘Righteous person prayer dey work well well.’—Jas 5:16.
Wetin we fit pray for? We fit beg Jehovah sey make e help our brothers and sisters so that their mind go strong and dem no go dey fear. (Isa 41:10-13) We fit still pray make government no get bad belle for our preaching work, ‘so that we go continue to dey live cool and quiet life.’—1Ti 2:1, 2.
When people dey suffer Peter and Paul because of their faith, the Christians wey dey that time dey call their name for their prayer. (Ac 12:5; Ro 15:30, 31) Even if we no know the name of the brothers and sisters wey dey suffer because of their faith, we fit mention their country, their area or their congregation name for our prayer?