Wetin We Go Do to Make How We Dey Preach Better—Preach to Everybody for Your Territory

WHY E DEY IMPORTANT: Zechariah talk am sey people from all the language of this earth go hear the good news and dem go come worship Jehovah. (Zec 8:23) But who go teach dem? (Ro 10:13-15) Na we God give the work. So make we preach to everybody for our territory.​—od 84 ¶10-11.

HOW YOU GO TAKE DO AM:

• Prepare. If people wey dey speak another language dey una territory, use the JW Language app learn how to preach for their language. You fit still use your phone show dem how to learn other things wey dey jw.org, for their language

• Put eye down. If you dey preach from house to house, still try preach to people wey dey pass or people wey dey wait for inside motor. If una dey do public witnessing, still put eye down so that you go see people wey you go preach to

• Do your work well. Always try to go check people wey una no meet for house before. Try preach to people for all the house wey dey una territory. If you no meet dem for morning, try afternoon or evening time, and you fit go back another day of the week. You fit still preach to people wey you no meet for house with letter, phone call, or street witnessing

• Continue to check dem. No waste time to go back go check people wey like our message. If the person dey speak another language, find publisher wey go fit use im language teach am. Continue to dey check am until publisher wey dey speak im language start to teach am.​—od 94 ¶39-40

WATCH THIS VIDEO: PREACHING FOR AREA WEY “FAR PASS FOR THIS WORLD,” AFTER MAKE UNA ANSWER ALL THIS QUESTION:

• 

  How the brothers and sisters take ready to fit preach to people for far territory? (1Co 9:22, 23)

• 

  Which things dem learn, wey help dem fit do the work well?

• 

  How Jehovah take bless dem?

• Wetin you fit do to preach to more people for your territory?