“Wetin God Don Join Together . . .”

Mosaic Law talk say person wey want divorce e wife must give-am divorce certificate. This one go help make people no de hurry divorce their wife. But when Jesus dey this earth, the people wey de lead for religion make divorce certificate easy to get. And person fit divorce e wife for any small thing. (nwtsty study note for Mr 10:4, 11) Jesus show say na Jehovah start marriage. (Mr 10:2-12) And Jehovah want make husband and wife become “one flesh” and stay together forever. The book of Matthew talk say na only sex with another person fit make husband and wife divorce.​—Mt 19:9.

Today, plenty people no de see marriage the way Jesus see-am. But them de see-am like Pharisee them. When people for the world get problem for their marriage, them de hurry divorce their husband or wife. Christians no de do like that! Them de always remember the serious promise wey they make for their marriage day. And if problem come, they go follow Bible advice solve-am. After wuna watch the video: Love and Respect De Make Family Get Peace, make wuna answer this questions:

• 

  How you fit do the thing wey Proverbs 15:1 talk for your marriage, and why e dey important?

• How Proverbs 19:11 fit help you avoid problem?

• If problem want scatter your marriage, instead to de think,‘Make I divorce?’ which question you go ask yourself?

• How Matthew 7:12 fit help you be better husband or wife?