Wetin Fit Make Our Family Happy?
You think sey . . .
na love?
na money?
na another thing?
SEE WETIN BIBLE TALK
‘Na only people wey dey hear wetin God talk and dey do am go dey happy!’—Luke 11:28, New World Translation.
HOW WETIN BIBLE TALK FIT HELP YOU
Husband go love im wife.—Ephesians 5:28, 29.
Wife go respect im husband.—Ephesians 5:33.
Everybody for family go trust theirself.—Mark 10:6-9.
WE FIT BELIEVE SEY WETIN BIBLE TALK NA TRUE?
Yes, make we see two reason wey go make us believe:
Na God start family. Bible talk sey ‘every family . . . come from’ Jehovah God. (Ephesians 3:14, 15) Na im be sey, all the family for this world na Jehovah make dem. Why e good make we sabi sey na Jehovah make family?
If you want know wetin dem take cook one better food wey you chop, who you go ask? No be the person wey cook am?
Na so family be. If you want know wetin fit make family happy, na Jehovah go tell you, because na im make family.—Genesis 2:18-24.
God like you well well. E good make family learn wetin Jehovah want make dem do for inside Bible. Why e good? Because e like family well well. (1 Peter 5:6, 7) Jehovah sabi wetin good for you and your family. And all the advice wey e dey give, go help you live better life everyday.—Proverbs 3:5, 6; Isaiah 48:17, 18.
MAKE YOU THINK ABOUT THIS QUESTION
Wetin you go do if you want be better husband, better wife or better papa and mama?
Bible answer this question for EPHESIANS 5:1, 2 and COLOSSIANS 3:18-21.