Dey Endure Reach the End

1. The things wey God don promise us

Fit help us face problem.

So take your time dey read Bible,

And practice wetin you learn.

Try make your faith dey strong well well

Because God Kingdom dey come.

Jehovah God go dey your side,

E go help you reach the end.

2. No matter wetin you dey face,

No stop to love your God.

Even when things dey hard for you,

You fit get help from God Word.

No let wahala shake your faith,

Endure am go reach the end.

Jehovah God go hold your hand,

And nothing go make you fear.

3. No tire to dey bear problem,

And God go give you life.

E no go fit forget your name

Because e get you for mind.

So make you try dey bear problem,

All your problem no go last.

Jehovah God go care for you,

Small time, all this things go pass.