SONG 73
Help Us Get Mind
(Acts 4:29)
1. Na your Kingdom we dey support.
We want preach about your name.
But our enemies dem dey vex,
Dem dey try to make us shake.
O Jehovah, we come pray,
We need your spirit ev’ryday.
We dey trust you sey you go help us,
To get strong mind make we fit preach.
(CHORUS)
Na Jehovah we go support.
We go preach, we no go fear.
As Jehovah dey support us,
We go preach make people hear
Sey Armageddon go soon come.
But we need strong mind to go preach.
O Jehovah God we dey pray,
Help us get mind!
2. All the things wey we go dey face,
Dem no big pass you at all.
And no matter how e go be,
You go help us dey endure.
You dey see all the trouble
Wey we dey face from some people.
But we trust you sey with your spirit,
You go help us preach with strong mind.
(CHORUS)
Na Jehovah we go support.
We go preach, we no go fear.
As Jehovah dey support us,
We go preach make people hear
Sey Armageddon go soon come.
But we need strong mind to go preach.
O Jehovah God we dey pray,
Help us get mind!
(Still check 1 Thess. 2:2; Heb. 10:35.)