Dey Careful for the Way You De Use Social Network

WHY E DEY IMPORTANT: Just like plenty things for life, social network (Internet site where you fit make friends, chat with people, send videos and audio record) fit help person, or put person for trouble. Some Christians don choose say they no go use social network, and others de use-am talk with their friends and family members. But the Devil no want make we use social network well. And that one fit spoil our friendship with Jehovah. Make we de do like Jesus and de allow God Word direct us, make we no enter trouble for social network.​—Lu 4:4, 8, 12.

NO ENTER TROUBLE:

• You de spend too much time for social network? If we de spend too much time for social network, e fit thief all the time wey we suppose use for personal study and other work for Jehovah

  Bible advice: Eph 5:15, 16; Php 1:10

• Which things you de look for there? If you de look picture and film wey no good, you go start de like picture of people wey naked, and e fit master you to de look. If you de read book from apostate (people wey don fall comot from Jehovah side), e fit make you leave Jehovah

  Bible advice: Mt 5:28; Php 4:8

• Which kind things you de put for social network? Because we get heart wey fit deceive us, we fit talk things or put picture wey no good for social network. This one fit spoil our name or our friendship with Jehovah

  Bible advice: Ro 14:13; Eph 4:29

WATCH THIS VIDEO: KNOW HOW TO USE SOCIAL-NETWORK WELL, AND AFTER, MAKE WUNA TALK ABOUT THINGS WEY PERSON FIT DO SO THAT THIS BAD THINGS NO GO HAPPEN: