Tangua Ditshi Ngajiya Gukhala Muvundji wa Njila wa Tangua dia Zonda?

Tempelo yamonele Ezekiele mu vizio idi mumonesa egi akombeledi a Yehowa mbaadihana nu mutshima umoshi mu mudimo wenji. Luholo lutshi tuajiya diago gudihana nu mutshima umoshi mu mudimo udi mutumbuisa Yehowa?​—Heb 13:15, 16.

Luholo luabonga lua guyikalagala ludi gukalagala mudimo wa muvundji wa njila wa tangua diazonda. Mu givo gia mudimo 2018, mbeji jiavula mbajikhala nu phoso 5 nga ndo ma lubingo 5. Didi tangua diabonga ha gukuatesa aphangi ana gubalegesa matangua avula gu midimo yawo, nu ana guheta tangua dia gulongesa phamba mu lusugu lua phoso nu lua lubingo. Luko, mu mbeji ya Mars, Avril, nu mu mbeji mutadi muwendji weza mutala hungu, alongeshi ajiya gubalegesa matangua 30 nga 50 mu mudimo wa gulongesa.

Itshi tuajiya gutshita gula tushigo nu luholo lua gukalagala mudimo wa muvundji wa njila wa tangua diazonda? Tuajiya gukalagala ngolo ha gulondega luholo luetu lua gulongesa nu guvudisa matangua tuajiya gubalegesa mu mudimo wene. Hene, guzumba guetu mukunda nu Yehowa gututume ha gumukalegela mudimo wabonga mu givo gia mudimo 2018!​—Hosh 14:2.

TALESA VIDEO GRÂCE À JÉHOVAH, JE PEUX PRESQUE TOUT FAIRE, GUNGIMA HANENU MVUTU GU MIHU EYI:

• Itshi yana gutuma Sabina ha gudihana muavula mu mudimo wa Yehowa?

• Luholo lutshi gifezegeselo gia Sabina gidi guguhana gikhesa?

• Mu givo gia mudimo 2018, mu mbeji itshi (jitshi) wajiya gukalagala mudimo wa muvundji wa njila wa tangua diazonda?