Aklisto a Giamatshidia ana Gujiyiwa Mukunda nu Guzumba Guawo​—Tuna Khadilo dia Gukamba Phamba Gubonga Guaye, enji Lenga Milonga

MUKUNDA NATSHI IDI NU NDANDO: Yesu walongesele gamba alandudi enji mbajiyiwa mukunda nu guzumba guawo. (Yone 13:34, 35) Ha gumonesa guzumba gua Uklisto, tudi naye gukamba gubonga gua athu ako nu gulenga milonga.​—1Kol 13:5.

LUHOLO LUA GUYIKALAGALA:

• Gula muthu waguwambela ndaga nga wagutshitshila gubola, huiminyina. Kamba gujiya gula itshi yamutumi ha gutshita ngenyi nu tangiza malamba ajiya gugubuila gula wahana mvutu yabola.​—Ish 19:11

• Jiya egi mukut’etu agasue tushigo athu atagana, luko egi matangua ako tuana guzuela nu tuana gutshita ndaga, gungima dienji yatuhana lamba

• Kamba gulondega milonga mu phushi nu phangi’aye

TALESA VIDEO “KHALENU NU GUZUMBA MUKATSHI DIENU”​—TUNA KHADILO DIA GUKAMBA PHAMBA GUBONGA GUAYE, ENJI LENGA MILONGA. GUNGIMA, HANENU MVUTU GU MIHU EYI:

• Mvutu itshi yahanele Larry gu ndaga yamuwambelele Tom?

• Luholo lutshi guhuiminyina ha gutangigiza ndaga ya gutshita guakuatesele Tom ha gulenga milonga?

• Luholo lutshi mvutu ya guhuiminyina yahanele Tom yaakuatesele ha gumanesela milonga?