Dihage ha Fundo dia Athu Ako

Itshi Yesu Watshitshile?

VIDEO: Yesu Wavuila Thundu ya Athu Khenda

1. Tala VIDEO, nga ndo tanga Mako 6:30-34. Gungima hana mvutu gu mihu eyi:

1. Mukunda natshi Yesu nu apostolo enji “ayile ha fundo dimoshi ha gukhala khuta ene hakhawo”?

2. Itshi yatumile Yesu ha gulongesa thundu ya athu?

Longo Ditshi Tuazula mu Gifezegeselo gia Yesu?

2. Gudihaga ha fundo dia athu ako guana gututuma ha guakuatesa nu ha gualongesa lukuma luabonga.

Landula Gifezegeselo gia Yesu

3. Khala mutegelela muabonga. Toga muthu muene ha guguwambela ndaga adi mutangiza. Umukokigo mbimbi, nga gutshita gifua ushigo muvua ima idi muzuela muene nu ndaga idi gumusagesa, nga matangi enji. Gula wamutegelela muabonga, mbawumonesa egi udi gudihaga ha fundo dienji.

4. Tangiza muthu wasuanguluga nu giamatshidia. Gula watangiza maga muatele n’enji, wajiya gudihula egi:

1. ‘Mukunda natshi idi nu ndando egi muthu muene ajiye giamatshidia?’

2. ‘Luholo lutshi gulonguga Biblia guajiya gumukuatesa ha gukhala nu gusuanguluga mangino nu mu masugu adi muza?’

5. Zuelela ndaga jinyi jiajiya gumukuatesa. Gula luholo ludi guene, mumonese luholo gulonguga Biblia guajiya guhana mvutu gu mihu yenji nu guajiya gumukuatesa mu monyo wenji.