Ngimbo

48 Yehowa udi wakoma, udi diago watagana ha gutumbuishiwa

mu dimbo dia Nzambi wetu, gu mulundu wenji wa gijila.

 2 Mulundu wa Siona udi gualeha gu khanda ya nord,

udi waleha, wabonga; udi mubata gusuanguluga ha mavu a mudidi,

dimbo dia Fumu Wakoma.

 3 Nzambi wamonesele egi udi fundo diabonga dia gulengela,

mu dimbo dienji didi nu ibayi yakola.

 4 Handaga, talenu! Mafumu adibungishile;*

mukut’awo agasue ayile ha guluisa dimbo.

 6 Woma wakola waakuatele guene,

avile lamba diakola, gifua lamba diana vua mukhetu mu tangua dia guvuala.

 8 Ndaga tuavile, henyaha esue hakhetu tuajimona

mu dimbo dia Yehowa Nzambi wa masuta, mu dimbo dia Nzambi wetu.

 9 Oo Nzambi, tudi mutangigiza guzumba guaye gua giamatshidia,

mukatshi dia tempelo yaye.

10 Oo Nzambi, jina diaye nu lutumbu luaye

ludi muheta uu nu gu songi jia mavu.

11 Mulundu wa Siona usuanguluge,

membo* a gu Yuda akhale nu gusuanguluga mukunda nu usopheshi waye.

12 Wendenu mu khulo ya Siona; wendenu mu khulo yenji yagasue;

Tangenu jinzo jienji jialeha.

Temienu gutala jinzo jienji jialeha,

hagula mbamutele indongo idi muza mene.