Ngimbo

Enue athu agasue a ha mavu,* vuenu,

 2 ikhale muthu wazonda nga wakoma,

ikhale muenya umonyi nga phutu.

 3 Kano diami mbaguzuela mbimbi jiatema,

ndaga mbangutangiza mu mutshima wami mbajikhala jia ungambi.

 4 Mbangutegelela muabonga gishima;

mbangukotelesa gishima giami ha mbangukhala mushiga gitare.

 5 Mukunda natshi ngudi naye guvua woma mu tangua dia lamba,

ha ngudi ya gujietewa gu ndaga jiabola jia athu adi mukamba gungubuisa?

 6 Athu anyi adi musha mutshima gu umonyi wawo,

anyi adi gudisunzula mukunda nu umonyi wawo wavula,

 7 gushigo nga muthu mumoshi mukatshi diawo wajiya gukula muthu muko

nga guhana Nzambi gibawu mukunda nu muthu muene.

 8 (Gibawu adi naye guhana ha gukula mionyo yawo gidi nu ndando yakola diago

hene, ashigo nu luholo lua gugifuta);

 9 hagula ajinge mayilago nu gamonyigo malumba.*

10 Athu agasue ana mona luholo athu atema ana fua;

athu aheya nu ihulu ana fua hamoshi,

ana bembela athu ako umonyi wawo.

11 Ana tshigina egi jinzo jiawo jikhale mayilago,

tenta jiawo jikhale indongo nu indongo.

12 Uvi muthu, ikhale wahanewa lutumbu, mbagashigo mujinga mayilago;

muene gashigo nu ndando yavula gubalega shitu jiana fua.

13 Yene njila mbayiya athu aheya

nu athu ana gualandula, anyi ana suanguluga nu mbimbi jiawo jia githuhu. (Sela)

Gufua mbagukhala mubambi wawo;

athu abonga mbaahinyina mu gimenegena;

ene mbaatota mayilago;

ha fundo dia gukhala mu inzo ya ufumu, ene mbaakhala mu Malumba.*

15 Uvi Nzambi mbawungukula mu Malumba,*

muene mbawungubamba. (Sela)

16 Uvigo woma gula muthu wabua muenya umonyi,

gula wabua nu ima yavula mu inzo yenji,

17 handaga gula wafua muene mbagashigo muya nga nu gima;

mbagashigo mufundjiwa nu umonyi wenji.

20 Muthu munu gashigo mukotelesa ndaga eyi, ikhale wahanewa lutumbu,

muene gashigo nu ndando yavula gubalega shitu jiana fua.