Ngimbo

8 Oo Yehowa Fumu wetu, jina diaye didi diakoma ha mavu agasue;

wakanduisa lutumbu luaye gosa gubalega nu diene dilu.*

Wamonesa ngolo jiaye gutuama dia mbalagaji jiaye,

ha guhenesa mbalagaji nu muthu wana vutula gubola.

 3 Tangua ngudi mutala dilu, midimo ya mago aye,

ngonda* nu themua wafugile,

 4 muthu udi nanyi hagula umuwunguluge,

mun’a muthu udi nanyi hagula udisagese mukunda nu muene?

 5 Wamubuishile muthu wazonda gutuama dia anjelo,

wamusudigishile gifulu gia lutumbu nu ginemua.

 6 Wamuhanele ufumu ha guhinyina midimo ya mago aye;

wahagele ima yagasue goshi’a ikanzo yenji:

 7 Imeme yagasue nu khombo nu ngombe,

nu shitu jia mu foto,

 8 tunjila tuana zuga gosa nu jishui jia mu kianga,

nu ima yagasue yana wenda mu mita.