Ngimbo
Lungimbo lua ana a Kora.
87 Fondasio ya dimbo dienji idi holu dia milundu ya gijila.
2 Yehowa wana zumba mifulo ya Siona
muavula gubalega tenta jiagasue jia Yakoba.
3 Oo dimbo dia Nzambi wa giamatshidia, adi muzuela ndaga jia lutumbu mukunda nu aye. (Sela)
4 Mbangutanga Rahabe nu Babilona mukatshi dia athu ana gungujiya;
Filistiya nu Tile nu Kushi adi haha.
Athu mbaazuela egi: “Muthu yowu wavualewe guene.”
5 Athu mbaazuela mukunda nu Siona egi:
“Muthu wagasue mukatshi diawo wavualewe mu dimbo diene.”
Nzambi wa Gudinyinyiga mbawudijigamesa.
6 Tangua Yehowa mbawusonega majina a athu, mbawuzuela egi:
“Muthu yowu wavualewe guene.” (Sela)
7 Ngimba nu athu adi mukina ulumbu mbaazuela egi:
“Aye udi gito gia ima yami yagasue yabonga.”