Ngimbo
95 Zenu tumbe indanda ya gusuanguluga mukunda nu Yehowa!
Tumbenu miyelele ya gusuanguluga, tutumbuisenu Seso dietu diana gutuhuluisa.
2 Tuyenu gutuama dienji* ha gumuhana mersi;
tumbenu milolo ya gusuanguluga, tuyimbenu ha gumutumbuisa.
3 Handaga Yehowa udi Nzambi wakoma,
udi Fumu wakoma gubalega nzambi jiko jiagasue.
4 Mavu agasue, sendese goshi
uu nu gu songi jia milundu yaleha, adi enji.
5 Kianga gialondele muene, gidi gienji,
muene walondele nji mavu nu mago enji.
6 Izenu tukombelele, tufugamenu gutuama dienji;
tufugamenu gutuama dia Yehowa Mufugi wetu.
Mangino gula muavua dijui dienji,
8 mukolesago mitshima yenu gifua luholo akhakh’enu akalegele gu Meriba,*
nu gifua luholo atshitshile mu tangua diene gu Masa* mu mavu a luselenga,
9 tangua akhakh’enu angulolele;
ashile giphapha, ngatshima amonele midimo yami.
10 Handaga mu ivo 40, ngavidile gindongo giene gisegela, ngazuelele egi:
“Ene adi enya mito yakola, adi mulandula nzala jia mitshima yawo;
ashigo mujiya njila jiami.”
11 Hene ngaavidile khabu, ngadilogele egi:
“Mbaashigo mungina mu guhuluguga guami.”