Ngimbo

 2 Matuta nu phipha yakola idi ya gumujieta;

gubonga nu giamatshidia, idi fondasio ya nguasa yenji ya ufumu.

 3 Tshuya tudi muya gutuama dienji,

tudi mukonda mbalagaji jienji gu khanda jiagasue.

 4 Guhenya guenji gudi muphelegetesa mavu;

mavu amona ndaga yene, adigita.

 5 Milundu yashiginyina gifua maji gutuama dia Yehowa,

gutuama dia Fumu wa ha mavu agasue.

 6 Dilu didi mulongesa gubonga guenji,

athu agasue adi mumona lutumbu luenji.

 7 Athu agasue ana kombelela isongo avishiwe musonyi,

athu ana gudisunzula mukunda nu nzambi jiawo jia githuhu.

 8 Siona yavua, yasuanguluga;

membo* a gu Yuda adi nu gusuanguluga

mukunda nu usopheshi waye, Oo Yehowa.

 9 Handaga, Oo Yehowa, aye udi Nzambi wa Gudinyinyiga ha mavu agasue;

udi holu dia nzambi jiagasue.

Muene wana bamba athu* enji a gujinginyina;

wana guahuluisa ha mago a athu abola.

11 Muanya wazoga mukunda nu athu abonga,

gusuanguluga gudi mukunda nu athu adi nu mitshima yabonga.

12 Enue athu abonga, suangulugenu mukunda nu Yehowa,

tumbuisenu jina dienji dia gijila.