Ngimbo
111 Tumbuisenu Yah!*
א [Alefe]
Mbangutumbuisa Yehowa nu mutshima wami wagasue
ב [Beth]
mukatshi dia thundu ya athu abonga nu mukatshi dia hungu.
ג [Gimele]
2 Midimo ya Yehowa idi yakoma;
ד [Dalete]
athu agasue anyi ana suanguluga naye ana guyilonguga.
ה [He]
3 Midimo yenji yana monesa lutumbu nu gubonga.
ו [Waw]
Gubonga guenji guana khala mayilago.
ז [Zayine]
4 Muene wana tshita egi athu awunguluge midimo yenji ya gushimana.
ח [Heth]
Yehowa udi Nzambi wa khenda nu wa gisemo.
ט [Teth]
5 Wana hana athu ana gumuvila woma ima ya gudia,
י [Yod]
wana wunguluga gikotelo gienji mayilago.
כ [Kaph]
6 Wamonesele athu enji ngolo jienji mu midimo yenji.
ל [Lamede]
Tangua diaahanele muene khapho dia ifutshi.
מ [Mem]
7 Midimo ya mago enji idi yabonga nu ya giamatshidia;
נ [Nune]
mikhuala yenji yagasue idi yatagana ha gushila mutshima.
ס [Sameke]
8 Yana khala yatagana ha gushila mutshima tangua diagasue,
sendese mangino uu mayilago;
ע [Ayine]
giamatshidia nu gubonga idi fondasio yenji.
פ [Pe]
9 Wakudile* athu enji.
צ [Tsade]
Wazuelele egi gikotelo gienji gidi naye gukhala mayilago.
ק [Qoph]
Jina dienji didi dia gijila, dikuatesa woma.
ר [Resh]
10 Guvila Yehowa woma gudi gisendeselo gia ndunge.
ש [Sine]
Athu agasue ana tumagela mikhuala yenji, ana monesa diago egi adi athu atema.
ת [Taw]
Lutumbu luenji luana khala mayilago.