Ngimbo
112 Tumbuisenu Yah*
א [Alefe]
Gusuanguluga gudi nu muthu wana vila Yehowa woma,
ב [Bete]
munu wana suanguluga muavula nu mikhuala yenji.
ג [Gimele]
2 Ajigulu enji mbaakhala nu ngolo ha mavu,
ד [Dalete]
gindongo gia athu abonga mbagishimbigiwa.
ה [He]
3 Umonyi udi mu inzo yenji.
ו [Waw]
Gubonga guenji mbagulandula gukhala mayilago.
ז [Zayine]
4 Muene wana lema gifua muenda mu phipha mukunda nu athu abonga.
ח [Heth]
Wana khala muenya khenda nu gisemo; wana khala nji muthu wabonga.
ט [Teth]
5 Muthu wana somba athu ako ima nu mutshima wabonga wana khala nu gusuanguluga.
י [Yod]
Wana tuameza midimo yenji mu luholo luabonga.
כ [Kaph]
6 Muene mbagashigo munyigishiwa.
ל [Lamede]
Athu mbaawunguluga muthu wabonga mayilago.
מ [Mem]
7 Muene mbagashigo muvua woma wa mene jiabola.
נ [Nune]
Mutshima wenji udi wa gujinginyina, wana gudifelela gudi Yehowa.
ס [Sameke]
8 Mutshima wenji udi wakola,* gashigo muvua woma;
ע [Ayine]
gu gisugishilo muene mbawutala nu gusuanguluga guagasue
tangua mbalagaji jienji mbajibingiwa.
פ [Pe]
9 Wakhaphele ima yavula; wayihanele phutu.
צ [Tsade]
Gubonga guenji mbagulandula gukhala mayilago.
ק [Qoph]
Ngolo* jienji mbajidivudisa nu lutumbu.
ר [Resh]
10 Muthu wabola mbawumona ndaga yene, mbawuvua khabu.
ש [Shin]
Mbawudidia mazo, mbawutota.
ת [Taw]
Nzala jia athu abola mbajikhadigo luko.