Ngimbo

Enue enya mudimo a Yehowa muhanenu lutumbu,

tumbuisenu jina dia Yehowa.

 2 Jina dia Yehowa ditumbuishiwe

sendese mangino uu mayilago.

 3 Jina dia Yehowa ditumbuishiwe,

sendese gu mazogelo a kumbi uu nu gu mayilo a kumbi.

 4 Yehowa udi gosa holu dia ifutshi yagasue;

lutumbu luenji ludi holu dia dilu.

 5 Nanyi udi gifua Yehowa Nzambi wetu,

yago wana khala* gosa mu dilu?

 6 Muene udi mushiwuga ha gutala dilu nu mavu,

 7 muene wana zugisa muthu gashigo nu ndando mu fuphi.

Wana katula phutu ha fuphi ya tshuya*

 8 Ha gumuhaga fundo dimoshi nu manene,

ayi, nu manene a athu enji.

 9 Wana hana mukhetu wa gikunya* inzo ya gukhala,

wana gumubuisa gifua mama udi musuanguluga nu an’enji.*