Ngimbo
114 Tangua diazogele Isalele gu Ejipitu,
tangua inzo ya Yakoba yazogele mukatshi dia athu ana zuela zuelelo diko,
2 Yuda wabuile fundo dienji dia gijila,
Isalele yabuile gifutshi gienji gia ufumu.
3 Tangua kianga giamonele ndaga yakalegewe, gialengele;
muta wa Yordane wavutugile gungima.
4 Milundu yatshiphugile gifua imeme ya milume,
tumilundu tuazonda tuatshiphugile gifua mitumba ya imeme.
5 Oo kianga, mukunda natshi walengele?
Oo Yordane, mukunda natshi wavutugile gungima?
6 Oo milundu, mukunda natshi muatshiphugile gifua imeme ya milume?
Oo enue milundu yazonda, mukunda natshi muatshiphugile gifua tumitumba tua imeme?
7 Oo mavu, digita mukunda nu Fumu,
mukunda nu Nzambi wa Yakoba.
8 Muene wana sombegesa seso dibui gijiba gia meya,*
wana sombegesa seso diakola dibui ito ya mita.