BIBLIOTEKE YA MU INTERNET
Biblioteke
YA MU INTERNET
Kipende
  • BIBLIA
  • MIKANDA
  • GUDIBUNGISA
  • Ngimbo 116
  • Biblia Gubalumuna gua Mavu Ahe-ahe

Gushigo nga video mukunda nu paragrafe nga verse watombi.

Gudi nu erreur yakalegewa mu tangua dia gutanga video eyi.

Ndaga Jidi mu Mukanda wa Ngimbo

      • Lungimbo lua guhana mersi

        • “Itshi ngudi naye guhana Yehowa?” (12)

        • “Mbanguthuphula khopho dia guhuluga” (13)

        • “Mbangutagenesa ndaga ngadilogele gudi Yehowa” (14, 18)

        • Yehowa wana vua gikenene giavula gula muthu udi ya gujinginyina wafua (15)

Ngimbo 116:2

Mbimbi goshi'a diyiji

  • *

    Nga “Wana shiwuga ha gungutegelela.”

  • *

    Mu Hebelu: “mu masugu ami agasue.”

Ngimbo 116:3

Mbimbi goshi'a diyiji

  • *

    Mu Hebelu: “Malamba a Sheole angukuata.”

Ngimbo 116:4

Mbimbi goshi'a diyiji

  • *

    Nga “huluisa monyo wami.”

Ngimbo 116:7

Mbimbi goshi'a diyiji

  • *

    Tala Ukoteleshi wa Mbimbi.

Ngimbo 116:8

Mbimbi goshi'a diyiji

  • *

    Nga “Wahuluishile monyo wami.”

Ngimbo 116:13

Mbimbi goshi'a diyiji

  • *

    Nga “guhuluga guakoma.”

Ngimbo 116:19

Mbimbi goshi'a diyiji

  • *

    Nga “Aleluya.” “Yah idi jina dia Yehowa mu giketu.”

  • Biblia Gubalumuna gua Mavu Ahe-ahe
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
Biblia Gubalumuna gua Mavu Ahe-ahe
Ngimbo 116:1-19

Ngimbo

116 Ngana zumba Yehowa

handaga wana vua dijui diami, luholo ngana gumukombelela ha gumutoga ukuateshi.

 2 Handaga wana haga kutshi dienji* gudi ame ha gungutegelela,

mbangumukombelela mu monyo wami wagasue.*

 3 Shinga jia gufua jiangulangele;

malumba angukuatele.*

Gikenene nu malamba angulebesele muila.

 4 Uvi ngakombelele mu jina dia Yehowa egi:

“Oo Yehowa, nguhuluise!”*

 5 Yehowa udi Nzambi wa khenda nu wabonga;

Nzambi wetu udi Nzambi wa gisemo.

 6 Yehowa wana bamba athu ashigo nu ndunge.

Ngakhalele ya guleba, uvi muene wanguhuluishile.

 7 Monyo* wami uhuluguge luko,

handaga Yehowa wangukalegela ndaga nu gisemo.

 8 Wanguhuluishile* gu gufua,

wangukukumuine masoji gu meso, wabambele kulu diami hagula dikhakhugago.

 9 Mbanguwenda gutuama dia Yehowa mu gifutshi gia athu a monyo.

10 Ngakhalele nu gutshigina, hene ngazuelele,

ha ngakhalele diago mu lamba diakola.

11 Ngabuile tunga-tunga, ngazuelele egi:

“Athu agasue adi enya mambo.”

12 Itshi ngudi naye guhana Yehowa

mukunda nu ndaga jiagasue jiabonga jiangukalegele muene?

13 Mbanguthuphula khopho dia guhuluga,*

mbangukombelela mu jina dia Yehowa.

14 Mbangutagenesa ndaga ngadilogele gudi Yehowa

ha meso a athu enji agasue.

15 Yehowa wana vua gikenene giavula

gula muthu udi ya gujinginyina gudi muene wafua.

16 Oo Yehowa, ngudi gugububila,

handaga ngudi muenya mudimo waye.

Ngudi muenya mudimo waye, mun’a muhiga waye wa mukhetu.

Aye wangujitulula shinga jiangulangi.

17 Mbanguguhana milambu ya guhana mersi;

mbangukombelela mu jina dia Yehowa.

18 Mbangutagenesa ndaga ngadilogele gudi Yehowa

ha meso a athu enji agasue,

19 mu ibanzala ya inzo ya Yehowa,

ha katshi diaye, Oo Yelusalema.

Tumbuisenu Yah!*

Mikanda ya Kipende (2000-2026)
Zoga
Ngina
  • Kipende
  • tumina muthu muko
  • Tomba ndaga jia luholo nu luholo
  • Copyright © 2025 Watch Tower Bible and Tract Society of Pennsylvania
  • Luholo lua Gukalegela Site Yetu
  • Gunemesa Ndaga jia Athu Ako
  • Paramètres de confidentialité
  • JW.ORG
  • Ngina
tumina muthu muko