Ngimbo

123 Ngathuphula meso ami gudi aye,

aye wana khala ha nguasa ya ufumu mu dilu.

 2 Gifua luholo meso a muenya mudimo ana tala mago a fumu wenji,

gifua luholo meso a muenya mudimo wa mukhetu ana tala mago a fumu wenji wa mukhetu,

meso etu nji adi mutala gudi Yehowa Nzambi wetu

uu nu tangua diza gutuvila muene khenda.

 3 Tuvile khenda, Oo Yehowa, tuvile khenda,

handaga tuaseguluishiwa gale gio muavula.

 4 Tualelewa gale muavula gudi athu ana gudishila mutshima,

tuaseguluishiwa gale muavula gudi enya lulendo.