Ngimbo
136 Hanenu Yehowa mersi handaga udi Nzambi wabonga;
guzumba guenji gua giamatshidia guana khala mayilago.
2 Hanenu mersi gudi Nzambi wa jinzambi,
handaga guzumba guenji gua giamatshidia guana khala mayilago.
3 Hanenu mersi gudi Fumu wa mafumu,
handaga guzumba guenji gua giamatshidia guana khala mayilago.
4 Phamba muene wana tshita ndaga jia gushimana,
handaga guzumba guenji gua giamatshidia guana khala mayilago.
5 Muene wafugile dilu nu gutema guagasue,
handaga guzumba guenji gua giamatshidia guana khala mayilago.
6 Wasunuine mavu holu dia meya,
handaga guzumba guenji gua giamatshidia guana khala mayilago.
7 Wafugile ima yakoma mu dilu yana hana kiajiji,
handaga guzumba guenji gua giamatshidia guana khala mayilago.
8 Walondele kumbi ha guphelegetesa mu muanya,
handaga guzumba guenji gua giamatshidia guana khala mayilago.
9 Muene walondele mbeji nu themua ha guhana mueji mu phipha,
handaga guzumba guenji gua giamatshidia guana khala mayilago.
10 Washiyile ana a somi a gu Ejipitu,
handaga guzumba guenji gua giamatshidia guana khala mayilago.
11 Wazolele Isalele mukatshi diawo,
handaga guzumba guenji gua giamatshidia guana khala mayilago.
12 Waazolele nu koko dienji dia ngolo,
handaga guzumba guenji gua giamatshidia guana khala mayilago.
13 Wakhaphumuine Kianga Giabenga mu itshinyi mbadi,*
handaga guzumba guenji gua giamatshidia guana khala mayilago.
14 Wakuatesele Isalele ha gubalega ha katshi dia kianga giene,
handaga guzumba guenji gua giamatshidia guana khala mayilago.
15 Wabishidile Farao nu masuta enji mu Kianga Giabenga,
handaga guzumba guenji gua giamatshidia guana khala mayilago.
16 Watuamezele athu enji mu mavu a luselenga,
handaga guzumba guenji gua giamatshidia guana khala mayilago.
17 Washiyile mafumu akoma,
Handaga guzumba guenji gua giamatshidia guana khala mayilago.
18 Washiyile mafumu a ngolo,
handaga guzumba guenji gua giamatshidia guana khala mayilago,
19 Sihona fumu wa enya Amole,
handaga guzumba guenji gua giamatshidia guana khala mayilago,
20 nu Oga fumu wa Bashana,
handaga guzumba guenji gua giamatshidia guana khala mayilago.
21 Wahanele mavu awo gifua khapho,
handaga guzumba guenji gua giamatshidia guana khala mayilago,
22 Gifua khapho gudi muenya mudimo wenji Isalele,
handaga guzumba guenji gua giamatshidia guana khala mayilago.
23 Watuwungulugile tangua tuakhalele nu gikenene,
handaga guzumba guenji gua giamatshidia guana khala mayilago.
24 Walanduile gutuhuluisa ha mago a mbalagaji jietu,
handaga guzumba guenji gua giamatshidia guana khala mayilago.
25 Wana hana ima ya gudia gudi ima yagasue idi nu monyo,
handaga guzumba guenji gua giamatshidia guana khala mayilago.
26 Hanenu mersi gudi Nzambi wa mu dilu,
handaga guzumba guenji gua giamatshidia guana khala mayilago.