Ngimbo
137 Tuakhalele hashi hehi nu mita ya gu Babilona.
Tuakhalele mudila tangua tuakhalele mutangiza Siona.
2 Tuakudigile itare yetu
gu mitshi yaleha yakhalele ha katshi na katshi dienji.*
3 Athu anyi atubatele mu uhiga atutogele ha guayimbila ngimbo guene,
athu anyi akhalele gutusegulula akhalele mutshigina egi tubue gikeneselo giawo,
atuwambelele egi: “Tuyimbilenu lungimbo lumoshi lua gu Siona.”
4 Luholo lutshi tuajiya guyimba lungimbo luangane lua Yehowa mu mavu a ungenji?
5 Oo Yelusalema, gula ngagujimbila,
koko guami gua madia gujimbile gutshita ndaga jiagasue.*
6 Ludimi luami lukuatagane nu lundo
gula ngagubuita mutshima,
gula ngaguhagelego holu
dia ima yami yagasue yana gungusuanguluisa.
7 Oo Yehowa, wunguluga
ndaga jiazuelele enya Edome mu lusugu Yelusalema yabuile, azuelele egi:
“Imuangenu! Imuangenu uu nu mu fondasio!”
8 Oo mona mukhetu wa gu Babilona, gualeha ndo umuangewe,
gusuanguluga gukhale nu muthu munu mbawuguvutudila
gubola gunu watukalegele.
9 Gusuanguluga mbagukhala nu muthu munu mbawukuata an’aye azonda
nu mbawasasumuna mu maseso.