Ngimbo
Lungimbo lua Davidi.
138 Mbangugutumbuisa nu mutshima wami wagasue.
Mbanguyimba ngimbo
ha gugutumbuisa gutuama dia nzambi jiko.*
2 Mbangufugama gutuama dia tempelo* yaye ya gijila,
mbangutumbuisa jina diaye
mukunda nu guzumba guaye gua giamatshidia nu gujinginyina guaye.
Handaga watumbuisa mbimbi yaye nu jina diaye gubalega ima iko yagasue.
3 Wanguhanele mvutu mu lusugu ngagutamegele;
wanguhanele gikhesa nu ngolo.
4 Mafumu agasue a ha mavu mbaagutumbuisa, Oo Yehowa,
handaga mbaavua ndaga walayele.
5 Ene mbaayimba ngimbo mukunda nu ndaga jiakalegele Yehowa,
handaga lutumbu lua Yehowa ludi luakoma.
6 Ngatshima Yehowa wana khala gosa gualeha, wana mona athu a gudibulumuisa,
uvi gana tshigina ndo gusuena hehi nu enya lulendo.*
7 Ngatshima ngudi muwenda ha katshi dia gingonza, aye mbawudi gungubamba nu monyo.
Mbawusununa koko diaye ha guwasa mbalagaji jiami jidi gunguvila khabu;
koko diaye dia madia mbadinguhuluisa.
8 Yehowa mbawutagenesa ndaga jiagasue jiangulayele muene.
Oo Yehowa, guzumba guaye gua giamatshidia guana khala mayilago;
ujimbilago midimo ya mago aye.