Ngimbo
Maskile.* Gisambu giakalegele Davidi hakhalele muene mu wina dia seso.
142 Ngudi mutamega Yehowa ha gungukuatesa;
ngudi mububila Yehowa ha gunguvila khenda.
2 Ngana gumuwambela ndaga jidi gungusagesa;
ngana gumuwambela lamba diami
3 tangua ngana khala ya guleba.
Aye wana tala njila yami.
Mbalagaji jiana gungutela muheto
mu njila ngana wenda.
4 Tala gu koko diami dia madia udimonele hakhaye,
gushigo nga nu muthu udi gudisagesa mukunda nu ame.*
Gushigo nu fundo ngajiya gulengela;
gushigo nu muthu udi gudisagesa mukunda nu ame.*
5 Oo Yehowa, ngudi gugutamega, ngukuatese.
Ngudi muzuela egi: “Udi fundo diami dia gulengela,
aye khapho ngasala nadio mu monyo wami.”
6 Tegelela luholo ngudi mudila ha gutoga ukuateshi,
handaga ngudi diago ya guleba.
Nguhuluise ha mago a athu adi gungusagesa,
handaga adi nu ngolo jiavula gungubalega.
7 Nguzole mu bologo
hagula ngutumbuise jina diaye.
Athu abonga angujiete
handaga wangukalegela ndaga nu gisemo.