Luholo Wajiya Guwunguluga Baverse

Matangua ako yana khala lamba gudi aye ha guwunguluga verse ya Biblia wana tshigina ba? Yajiya gukhala verse yana guguhana gikhesa nga verse yana gugukuatesa ha gukatula matangi abola nga verse udi mutshigina guwambela muthu. (Ngi. 119:11, 111) Tala ndaga jiajiya gugukuatesa ha guwunguluga baverse.

• Kalegela application JW Library^®. Gula udi mutanga Biblia mu JW Library^® nu wamona verse udi mutshigina guwunguluga, wajiya guyibamba mu banote aye, ngenyi mbayikhala yaleba gudi aye ha guyimona luko.

• Sonega verse yene ha fundo mbawukhala guyimona. Wajiya guyisonega ha papie uyihagi ha fundo mbawukhala guyimona tangua diagasue. Athu ako ana guyinamiga gu nganza nga gu frigo jiawo. Athu ako nji ana kuata foto ya verse yene, ayihagi ha fond d’écran ya telefone jiawo nga ordinatere jiawo.

• Kalegela bakarte. Sonega jina dia mukanda wa Biblia nu mukhapho nu verse gu khanda imoshi, gu khanda iko sonega mbimbi jia verse yene. Gungima tala gu khanda wasonega mbimbi ha guwunguluga verse yene, nga ndo tala gu khanda wasonega jina nu mukhapho nu verse ha gujiya fundo verse yene yana khala mu Biblia.