Phatisirani bwino basa girazi

Ntumi Yakobo adalinganiza Baibolo na girazi kuti ingatithandize kuona umunthu wathu wankati. (Yak. 1:22-25) Ko Baibolo tingaiphatise tani basa ninge girazi?

Werengani mosamala. Peno tingadzinyang’ane mwakankulumize pa girazi tinganyalanyaze mbali zinango zofunika maninge zomwe tingadekane kukonza. Kuti tione mbali zinango za umunthu wathu wankati zomwe tidekana kukonza, tichadekana kuwerenga Mawu ya Mulungu mosamala maninge.

Onani vomwe mungadekane kukonza osati vophonya va anango. Nthawe zinango tikanyang’ana pa girazi tikwanisa kuona pomwe wanthu anango, momwe ankuonekera na mbali zomwe angadekane kukonza. Molingana na vimwevi vingachitike kuti pomwe tinkuwerenga Baibolo tingayambe kuona vophonya va wanthu anango. Koma vimwevi vingatithandizelini kuti tikonze vophonya vathu.

Khalani wachikatikati. Peno tingambandokhalira kukumbukira vophonya vathu vomwe Baibolo inkutionesa, tingafoke. Ndipomwapa, tidekana kukhala wachikatikati pomwe tinkuwerenga Mawu ya Mulungu, kuti tileke kumbandikhira kuchita vizinji maninge kuposha vomwe Yahova ankutikumbira.—Yak. 3:17.