PFUNZIRO 2

Kuyankhula mochita kukambirana na wanthu

2 Akorinto 2:17

MPFUNDO IKULU: Mumbayankhule mwachibadwa na mochokera pasi pa moyo, kuti muwonese kuti nkhani mweyo ni yakudikana kwa imwepo nakuti muchawaganizira wanthu.

MOMWE MUNGACHITIRE VIMWEVI:

Mumbapemphere na kukonzekera bwino. Pempherani kuti maganizo yanu yakhale pa mpfundo zomwe mufotokoze, osati mawu yomwe muyankhule. Sungani m’maganizo mwanu mpfundo zikulu-zikulu. Yankhulani mwachibadwa, ayi kuyankhula mwaviri nembere kuchita ninga munkuchita kulewenga.

Mukafuna kulewenga Baibolo panango bukhu inango, chakuyamba mumbaidziwe bwino nkhani mwiyo kuti musambakachite vinjenje. Peno munkulewenga mawu ya munthu munango, mumbayalewenge mowonesa momwe iye angabvera koma osati mumbachite kunyanyira.
Mumbayankhule kuchokera m’moyo. Mumbaganizire momwe ntontholo muyo ungathandizire wanthu wamunkuyankula nawo. Mumbawaganizire maninge wanthu mwawa. Vimwevi vingachitse kuti thupi yanu, nkhope na mawu yanu vimbawonese kuti muchawaganizira wanthu mwawa.

Kuyankhula mwachibadwa sikuti nkumbandoyankhula mwamungafunire. Mumbaganizire phindu ya nkhani yanu ndipo mumbayankhule mwaulemu m’mawu yosahupa kubva.
Mumbanyang’ane wobvera. Mukambayankhula mumbanyang’ane munthu. Pakukamba nkhani, osati mumbandoti maso mwamwa-mwamwa kuti muwone gulu yose. Koma muchadekana kunyang’ana munthu m’bodzi pa nthawe ibodzi.