Kudekha

Vomwe Yesu adachita

VIDIYO: Modekha Yesu ankuthandiza m’bale wake

1. Nyang’anirani VIDIYO, panango werengani Yohane 7:3-5 na 1 Akorinto 15:3, 4, 7. Patsogolo pake ganizirani mibvunzo aya:

1. Ko azibale wake wa Yesu adabvera ntontholo wake pakuyamba?

2. Ko ni chani chomwe chinkuwonesa kuti Yesu alibe kuneta kuthandiza m’bale wake Yakobo?

Ko tinkupfunzira chani kwa Yesu?

2. Tifunika kukhala odekha ndawa wanthu anango atenga nthawe kuti abvesere ntontholo.

Tewedzerani Yesu

3. Yeserani njira zinango. Peno munthu ankufunalini pfunziro manjemanje, ayi kumuchichimiza. Peno munkuwona kuti viri bwino, phatisirani basa mavidiyo panango nkhani zinango kuti mumuthandize kuwona momwe pfunziro ya Baibolo ichafambira na momwe ingamuphindulisire.

4. Ayi kumbalinganiza. Munthu aliyese ni wosiyana na munzake. Peno ni wachibale panango munthu yemwe tinkumuchita ulendo obwereza ankuwayawaya kupfunzira Baibolo, yesani kudziwa kuti ndawa chani. Ko panavinthu vachipembedzo vomwe iye achavikhulupirira vomwe aviwona kuti ni vofunika maninge? Ko azibale wake na mavizinyu amunyoza ndawa yakuti ankupfunzira Baibolo? Mupaseni mpata wakuti aganizire vomwe mwamuuza na maphindu yangagumane ndawa yopfunzira.

5. Mupempherereni munthu yemwe wawonesa chidwi. Kumbirani Yahova kuti akuthandizeni kuti mumbakhale na maganizo yabwino na kuti mumbakhale osamala. Mukumbireni Yahova kuti akuthandizeni kukwanisa kuzindikira nthawe yomwe mungayime kupfunzira na munthu yemwe alibe chidwi.—1 Akor. 9:26.