• Vomwe tinkupfunzira kuchokera kwa mng’ono wake wa Yesu
    Ntsanja ya Ulonda (Yopfunzira)—2022 | Janeiro

    • KHALANI WODZICHEPESA NINGE YAKOBO

      Yakobo ankuphata basa ya matabwa ndipo Yesu pomwe waukisiwa nkuwonekera kwa iye.

      Padati Yesu wamukisiwa nkuwonekera kwa Yakobo, adatsimikizira kuti iye ni Mesiya ndipo adakhaliratu wopfunzira wake (Onani ndime 5-7)

      5. Ko Yakobo adachita chani padawona kuti Yesu wamukisiwa nkuwonekera kwa iye?

      5 Ko ni panthawe iponi pomwe Yakobo adakhala wopfunzira wa Yesu? Padati Yesu wamukisiwa, ‘adawonekera kwa Yakobo ndipo patsogolo pake adawonekera pomwe kwa atumi anango.’ (1 Akor. 15:7) Kugumana kumuku kudathandiza kuti Yakobo akhale wopfunzira wa Yesu. Iye wenzembo pabodzi na atumi pangadikhirira mzimu wakuchena muchipinda cha mdzulu ku Yerusalemu. (Mac. 1:13, 14) Patsogolo pake, Yakobo adakhala na mwayi wotumikira m’bungwe yotonga yoyambirira. (Mac. 15:6, 13-22; Agal. 2:9) Ndipo ikanati kufika gole ya 62 Yesu wayenda kale kudzulu, Yakobo adauziriwa kunemba kalata yoyenda kwa Akhrisitu wodzozewa. Kalata mwiyi ni yothandiza maninge kwa ise ntsiku zino, viribe basa peno chidikhiro chathu nchakudzulu panango padziko yapasi. (Yak. 1:1) Josephus, wonemba mbiri wa kalekale adalewa kuti Yakobo adaphewa na nkulu wa antsembe Ananias mwana wa Anasi. Yakobo adapitiriza kukhala wokhulupirika kwa Yahova mpakana panthawe yadamaliza moyo wake wapadziko yapasi.