-
Imwepo mungakhale shamwali wa YahovaKondwani na moyo mpaka kalekale!—Kosi yokambirana va m’Baibolo
-
-
5. Nchani chomwe Yahova achadikhira kwa ule yemwe ni shamwali wake?
Kazinji-kazinji, tichadikhira vinthu vinango kwa azishamwali wake.
Nchani chomwe imwepo muchakonda kuti azishamwali wanu ambakuchitireni?
Lewengani 1 Yohane 5:3, ndipo kambiranani mbvunzo uyu:
Nchani chomwe Yahova achadikhira kwa azishamwali wake?
Kuti tibvere Yahova panango vingadikane kuti tichinje vinthu vinango. Lewengani Yesaya 48:17, 18 ndipo patsogolo pake kambiranani mbvunzo uyu:
Ndawa chani Yahova achakumbira kuti azishamwali wake awonese kuchinja pamoyo?
Shamwali chaiye achada kutithandiza ndipomwapa atipasa malangizo. Yahova achachitambo chibodzibodzi na azishamwali wake
-
-
Ubatizo chakulinga chabwino maninge!Kondwani na moyo mpaka kalekale!—Kosi yokambirana va m’Baibolo
-
-
Imwepo mungakonzekere kubatizika mwa kupfunzira va Yahova na kulimbisa chikhulupiriro chanu kwa iye. (Lewengani Aheberi 11:6.) Pomwe chidziwiso chanu na chikhulupiriro chanu chinkukula chikondi chanumbo na Yahova chidzakule. Mosakaika imwepo mudzafune kuti mumbalalikire va iye na kukhala na moyo mobverana na makhalidwe yake yabwino. (2 Timoteyo 4:2; 1 Yohane 5:3) Munthu akachita vimwevi iye achakhala, ankuchita vinthu ‘mobverana na vomwe Yahova achafuna kuti mumbamukondwerese pa chilichose,’ iye achasaina kupereka moyo wake kwa Mulungu na kubatizika.—Akolose 1:9, 10.a
-
-
Ubatizo chakulinga chabwino maninge!Kondwani na moyo mpaka kalekale!—Kosi yokambirana va m’Baibolo
-
-
a Peno munthu wenze adabatiziwa kale mu tchetchi inango, iye achadekana kubatiziwa pomwe kachiwiri. Ndawa chani? Ndawa yakuti chipembedzo chomwe iye wenze pakuyamba chimbapfunzisalini chonadi cha m’Baibolo.—Onani Machitidwe 19:1-5 na msolo 13.
-
-
Wonesani kutembeja pa vomwe Yahova na Yesu adakuchitiraniKondwani na moyo mpaka kalekale!—Kosi yokambirana va m’Baibolo
-
-
Ganizirani kuti munthu munango wakupulumusani ku impfa. Ko imwepo mungaebwe mwakankulumize pa vomwe munthu ule wakuchitirani? Panango mungawonese njira zinango zowonesa kuti iye adziwe kuti ndimwe wotembeja pa vomwe wakuchitirani?
Isepano moyo wathu uchathemba Yahova. Lewengani 1 Yohane 4:8-10, ndipo patsogolo pake kambiranani mibvunzo aya:
Ndawa chani ntsembe ya Yesu ni mphaso yapadera?
Ko imwepo muchabva tani pa vomwe Yahova na Yesu adakuchitirani?
Ko tingawonese tani kutembeja pa vomwe Yahova na Yesu adachita kwa ise? Lewengani 2 Akorinto 5:15 na 1 Yohane 4:11; 5:3. Mukamaliza kulewenga lemba iliyose, kambiranani mbvunzo uyu:
Mobverana na lemba mweyi, ko tingachite chani chowonesa kuti ndise wotembeja?
-
-
Ko tingawonese tani kuti tichakonda Yahova?Kondwani na moyo mpaka kalekale!—Kosi yokambirana va m’Baibolo
-
-
MSOLO 34
Ko tingawonese tani kuti tichakonda Yahova?
Ko mudadzibvakokale kukhala pafupi na Mulungu kuchokera pomwe mudayamba kupfunzira Baibolo? Ko munkufuna kupitiriza kulimbisa ushamwali wanu na iye? Peno nteno dziwani kuti Yahova akambawona kuti chikondi chanu kwa iye chinkukula iye adzayambe kukukondani na kukusamalirani imwepo. Ku mungawonese tani kuti imwepo muchamukonda iye?
1. Ko tingawonese tani kuti tichakonda Yahova?
Tichawonesa kuti tichakonda Yahova mwa kumubvera iye. (Lewengani 1 Yohane 5:3.) Iye achakakamizalini aliyese kuti ambamubvere, m’malo mwake achapereka mwayi wakuti tisalule kumubvera panango neye. Ndawa chani? Yahova achada kuti isepano ‘timbamubvere mochokera pasi pa moyo.’ (Aroma 6:17) M’mawu yanango, iye achada kuti imwepo mubamubvere osati ndawa yakuti muchadikana kumubvera koma ndawa yakuti imwepo muchamukonda. Vigawo 3 na 4 va bukhu ino, vakonzewa kuti vikuthandizeni imwepo momwe mungawonesere chikondi kwa Yahova mwakuchita vomwe iye achakondwera navo mwa kupewa kuchita vomwe iye achaipidwa navo.
2. Ndawa chani vingakhale voshupa kuwonesa chikondi chathu kwa Yahova?
‘Munthu wolungama achagumana na mabvuto yazinji.’ (Salimo 34:19) Tose tichabonera ndawa ya kusowa ungwiro kwathu ndipo tichagumanambo mabvuto yosowa mali, kusowa chilungamo na voshupa vinango. Tikambagumana na mabvuto vingakhale voshupa kuchita vomwe Yahova achatikumbira. Vimwevi viritene ndawa yakuti kuchita vinthu vosakondweresa Mulungu kungakhale kusashupa nthawe zinango. Koma mokhulupirika mukambachita vomwe Yahova ankukumbira kuti muchite, imwepo muchamuwonesa kuti muchamukonda maninge kuposha aliyese. Ndipo muchawonesa kuti chikondi chanu kwa iye nchaichodi. Ndipo iye adzakhale wokhulupirikambo kwa imwepo. Ndipo adzakusiyenilini olo pang’ono.—Lewengani Salimo 4:3.
PFUNZIRANI VIZINJI
Onani momwe kubvera kwanu kuchakhudzira Yahova ndipo pfunzirani chomwe chingakuthandizeni imwepo kukhala wokhulupirika kwa iye.
3. Nkhani yomwe ichakukhudzani imwepo
Mobverana na bukhu ya m’Baibolo ya Yobu, Satana adanamizira osati Yobu yekha koma na wanthu wose womwe achada kutumikira Yahova. Lewengani Yobu 1:1, 6–2:10, ndipo patsogolo pake kambiranani mibvunzo aya:
Mobverana na vomwe Satana adanena, ndawa chani Yobu adabvera Yahova?—Onani Yobu 1:9-11.
Ko nchani chomwe Satana achanena kwa wanthu wose pabodzi na imwepo?—Onani Yobu 2:4.
Lewengani Yobu 27:5b, ndipo patsogolo pake kambiranani mbvunzo uyu:
Ko Yobu adawonesa tani kuti iye angakondadi chaivo Yahova?
Yobu adawonesa kuti angakonda Yahova mwa kupitiriza kukhala wokhulupirika kwa iye
Isembo tichawonesa kuti tichakonda Yahova tikapitiriza kukhala wokhulupirika kwa iye
4. Kondweresani mtima wa Yahova
Lewengani Miyambo 27:11, ndipo patsogolo pake kambiranani mibvunzo aya:
Ko Yahova achabva tani imwepo mukakhala wanzeru nkumbamubvera iye? Ndawa chani?
5. Imwepo mungakwanise kukhala wokhulupirika kwa Yahova
Chikondi chathu kwa Yahova chichatichitisa kuti timbakwanise kumubvera iye. Kukhulupirika kwathu kwa iye kuchatichitisa kuti timbakwanise kuchita vinthu vomwe viwoneka ninge ni voshupa kwa ise. Wonesani VIDIYO, ndipo patsogolo pake kambiranani mibvunzo aya.
Ko nthawe zinango muchawona kuti nivoshupa kuuza anango va Yahova?
Mu vidiyo yomwe tawona, ko nchani chidathandiza Grayson kumalisa mantha yake?
Vichakhala vosashupa kukhala wokhulupirika kwa Yahova tikambakonda vomwe iye achakonda na kuipidwa na vomwe achazonda. Lewengani Salimo 97:10, ndipo patsogolo pake kambiranani mibvunzo aya:
Malingana na vomwe mwapfunzira kumbuyo uku, ko ni vinthu viponi vomwe Yahova achazonda? Ndipo ni vinthu viponi vomwe iye achakonda?
Ko mungapfunzire tani kukonda na kuipidwa na vinthu vomwe ni voipa?
6. Tichaphindula tikambabvera Yahova
Nthawe zose kubvera Yahova ni kwabwino. Lewengani Yesaya 48:17, 18, ndipo patsogolo pake kambiranani mibvunzo aya:
Ko imwepo munkuwona kuti tingambakhulupirire Yahova kuti nthawe zose achadziwa vinthu vomwe nivabwino kwa ise? Ndawa chani?
Ko kupfunzira kwanu Baibolo, kupfunzira va Mulungu chaiye, Yahova, kwakuphindulisani tani imwepo manjeuno?
WANTHU ANANGO ACHATI: ‘Vochita vangu vichamukhudzalini Mulungu.’
Ko ni malemba yaponi yomwe yachawonesa kuti vochita vathu vichamukhudza Yahova?
CHIGWATO
Imwepo mungawonese kuti muchamukonda Yahova mwa kumubvera na kupitiriza kukhala wokhulupirika kwa iye podiya kuti munkugumana na mabvuto.
Kubwerezera
Ko mwapfunzira chani kuchokera mu chitsanzo cha Yobu?
Ko mungawonese tani kuti muchamukonda Yahova?
Ko ni chani chingakuthandizeni imwepo kupitiriza kukhala wokhulupirika kwa Yahova?
KUTI MUDZIWE VIZINJI
Dziwani momwe mungakhalire wokhulupirika kwa Yahova na mumpingu.
‘Na munthu wokhulupirika imwepo mudzachite vinthu mokhulupirika’ (16:49)
Lewengani vomwe Satana adanamizira wanthu.
‘Yobu adapitiriza kukhala wokhulupirika’ (Kodi Baibulo Lili Ndi Uthenga Wotani? gawo 6)
Onani olo momwe alumbwana angawonesere chikondi chawo kwa Yahova.
Ko mulumbwana munango yemwe angatsutsiwa na alumbwana anzake adapitiriza tani kukhala wokhulupirika kwa Mulungu?
-