Kuyankhula mwachibadwa

Vomwe Filipo adachita

VIDIYO: Filipo adalalikira nduna ya ku Itiyopiya

1. Nyang’anirani VIDIYO, panango werengani Machitidwe 8:30, 31. Patsogolo pake ganizirani mibvunzo aya:

1. Ko Filipo adayambisa tani macheza?

2. Ko ndawa chani mweyi yenze njira yabwino yoyambisira macheza na kumuuza chinthu chinyowani munthu ule?

Ko tinkupfunzira chani kwa Filipo?

2. Kuyankhula mwachibadwa kungachitise kuti munthu munango akhale womasuka kucheza nase va ntontholo wathu.

Tewedzerani Filipo

3. Khalani tcheru. Mawonekedwe ya nkhope ya munthu na vomwe ankuchita poyankhula vingatiuze vizinji. Ko munthuyo ankuwoneka kuti ankufuna kucheza namwe? Imwepo mungayambe kucheza va chonadi cha m’Baibolo mwa kumubvunza kuti: “Ko imwepo munkudziwa kuti . . . ?” Pewani kumbakakamiza munthu yemwe afunalini kuyankhula namwe.

4. Khalani wodekha. Ayi kukumbuka kuti yambe na yambe mungafunike kumuuza va chonadi cha m’Baibolo. Dikhirani mpata wabwino womwe mungadzacheze naye mopfatsa. Nthawe zinango vimwevi vingatanthauze kudikhira mpakana pomwe mudzacheze pomwe na munthuyo.

5. Mbabvumani kuchinja. Macheza yangachitise kuti muyankhule nkhani zomwe mumbazidikhiralini. Ndipomwapa mbakhalani wokonzeka kufotokoza chonadi chomwe ni chofunika kwa munthuyo olo kuti panango vimwevi vingachitise kuti muchezerane mpfundo zomwe mumbaziganiziralini.