Song blo Solomon

2 “Mi wanfala saffron* flaoa nomoa lo flat area lo saedsea,

Wanfala lily wea stap lo olketa valley.”+

 2 “Taem gele wea mi lovem hem stap midol lo olketa nara young gele,

Hem olsem wanfala lily wea stap midol lo olketa nila grass.”

 3 “Taem darling blo mi hem stap midol lo olketa nara young boy,

Hem olsem wanfala apple tree wea stap midol lo olketa tree lo forest.

Mi laekem tumas for sidaon andanit lo shade blo hem,

And frut blo hem swit tumas lo mi.

 4 Hem tekem mi insaed lo haos for feast,*

And evriwan lukim klia dat love blo hem, hem for mi nomoa.

 5 Givim mi olketa raisin cake*+ and olketa apple,

For strongim mi and mekem mi strong bak,

Bikos mi lovesik.

 6 Left hand blo hem andanit lo hed blo mi,

And raet hand blo hem hagem mi.+

 7 O olketa dota blo Jerusalem, mi begim iufala for mekem promis,*

Lo nem blo olketa gazelle+ and olketa mere deer lo bush:

Lukim! Hem lo hia nao,

Hem klaem olketa maunten, and hem jamp ovarem olketa hill.

Hem nao lo there, hem standap bihaen lo wall blo iumi,

Hem lukluk thru lo olketa window,

Hem lukluk thru lo lattice window.

‘Gele wea mi lovem, iu getap,

Beautiful gele blo mi, iu kam iumi tufala go.

12 Olketa flaoa open lo olketa field,+

Taem for pruning hem kam nao,+

And iumi savve herem singsing blo turtledove bird lo land blo iumi.+

14 O kurukuru blo mi, wea iu haed insaed olketa hol lo olketa big ston,+

Insaed lo olketa hol lo klif,

Mi wish nomoa mi lukim iu and herem voice blo iu,+

Bikos voice blo iu here naes tumas and iu luk naes tumas.’”+

15 “Kasholem olketa fox for mifala,

Olketa smol fox wea spoelem olketa grape planteison,

Bikos olketa grape planteison blo mifala garem flaoa nao.”

17 Bifor wind hem isisi blow* and olketa shadow lus,

O darling blo mi, iu kam bak kwiktaem,

Olsem gazelle+ or young man deer+ antap lo olketa maunten wea separatem iumi tufala.*