21 And olketa sei lo each other: “Iumi guilty bikos lo samting wea iumi duim lo brata blo iumi.+ Iumi lukim hem barava krae and begim iumi for sorre lo hem bat iumi nating laek herem hem nomoa. Dastawe disfala nogud samting hem kasem iumi.” 22 Then Reuben sei lo olketa: “Mi talem iufala finis, ‘No killim disfala pikinini,’ bat iufala nating lisin lo mi.+ So distaem iumi mas ansa lo God bikos lo blood blo hem.”+