4 Olketa bae mekem olketa son blo iufala for lusim God and worshipim olketa nara god.+ Then Jehovah bae barava kros lo iufala and hem bae kwiktaem finisim iufala.+

16 Then Jehovah sei lo Moses: “Lukim! Iu klosap dae nao,* and pipol hia bae no faithful lo mi* and bae olketa start for worshipim olketa god blo olketa nara nation wea stap insaed land wea olketa bae go lo hem.+ Olketa bae lusim mi+ and brekem covenant blo mi wea mi mekem witim olketa.+

17 Bat olketa nating lisin tu lo olketa judge hia, and olketa worshipim* olketa nara god and baodaon lo olketa. Olketa kwiktaem nomoa lusim stretfala wei wea olketa grandadi blo olketa bin followim, olketa wea obeyim olketa komandment blo Jehovah.+ Olketa no olsem olketa grandadi blo olketa.

33 Stretawe bihaen Gideon hem dae, olketa Israelite worshipim* olketa Baal moa,+ and olketa markem Baal-berith for hem god blo olketa.+

2 Olketa woman hia from olketa nation wea Jehovah sei lo olketa Israelite: “Iufala mas no go join tugeta witim olketa,* and olketa tu shud no kam join tugeta witim iufala, bikos olketa bae tanem tingting blo iufala for followim olketa god blo olketa.”+ Bat Solomon hem klos lo olketa and laekem olketa.

26 Ino diswan nao sem samting wea mekem King Solomon blo Israel for sin? Lo evri nation, no eni king olsem hem,+ and God lovem hem tumas+ and mekem hem king ovarem full Israel. Nomata olsem, olketa waef blo hem wea foreigner mekem hem tu for sin.+