23 Bihaen, Moses and Aaron go insaed lo tent for meeting, then tufala kamaot and blessim pipol hia.+

Then glory blo Jehovah showaot lo evri pipol hia,+ 24 and Jehovah sendem kam fire and fire+ hia start for bonem datfala burnt offering and olketa pis gris antap lo altar gogo hem finis. Taem evri pipol hia lukim diswan, olketa start for hapi and singaot and olketa baodaon go kasem graon.+

24 Jehovah, God blo iufala, hem fire wea savve bonem evri samting,+ and hem God wea laekem pipol for worshipim hem nomoa.+

21 Then angel blo Jehovah holem stik lo hand blo hem, and putim end blo stik hia for tasim datfala meat and datfala bred wea no garem yeast, and fire laetem datfala ston and bonem datfala meat and bred.+ Then angel blo Jehovah lus nao from hem.

26 And David wakem wanfala altar+ for Jehovah lo there and offerim olketa burnt offering, and olketa peace offering,* and hem prea lo Jehovah, and hem ansarem prea blo David taem hem sendem fire+ kam daon from heven antap lo altar blo burnt offering.

7 Stretawe bihaen Solomon prea finis,+ fire kam daon from heven+ and bonem datfala burnt offering* and olketa sakrifaes, and glory blo Jehovah fulap insaed datfala haos.+