7 So olketa mekem holy* nao Kedesh+ wea hem lo Galilee lo olketa area lo olketa maunten lo Naphtali, Shechem+ wea hem lo olketa area lo olketa maunten lo Ephraim, and Kiriath-arba,+ wea hem Hebron, lo olketa area lo olketa maunten lo Judah.

9 Diswan hem olketa taon wea olketa markem for evri Israelite and for olketa foreigner wea stap witim olketa, mekem eniwan wea killim dae samwan bat hem no min for duim datwan, savve ranawe go lo there,+ and mekem relative wea garem raet for pei bak bae no killim hem dae, bifor olketa judge herem case blo hem.+

32 And from tribe blo Naphtali, olketa givim taon for stap sef+ for man wea killim dae narawan, wea hem Kedesh,+ wea stap lo Galilee witim olketa ples for animal kaikai lo hem, Hammoth-dor witim olketa ples for animal kaikai lo hem, and Kartan witim olketa ples for animal kaikai lo hem. Olketa kasem thrifala taon.

33 Evri taon witim olketa ples for animal kaikai lo hem, wea olketa famili blo olketa Gershonite kasem hem 13-fala taon.